Login to your account

Username *
Password *
Remember Me

كارثة وكالة العنبريين او العقار ٨٨ سابقا ٨٤ حاليا بشارع المعز.

اتحطت اول طوبة مع بناء القاهرة وقدوم الفاطميين تحديدا سنة ٥١٧ هجريا يعني من ٩٠٠ سنة، بعد كدة بييجي السلطان قلاوون ايام المماليك ويحولها لسجن، يعدي الزمن وييجي العثمانيين فا يجددوها ويحولوا لسوق او وكالة للعطور "من هنا جه الاسم بتاع العنبرييين"، فا يعيد تجديدها محمد علي باشا عشان تكون من اجمل اسواق العطور في الشرق الاوسط، وتتنسب الوكالة دي ليعقوب باشا صبري كوقف ايام محمد علي باشا آخر المجددين، وقبل ما يموت يَصي بربع الوقف لمراته والباقي للاعمال الخيرية،

تيجي الخمسينات والستينات. وتتلغي المحكمة الشرعية والوقوفات تتباع، وبشكل ما تتباع الوكالة لبعض الافراد، اللي عايزين الارض عشان يبيعوها ويكسبوا فلوس،

يعدي الزمن، والحي يعتبره سنة ٢٠٠٥م وبعد حريق في الوكالة مبنى آيل للسقوط عشان خاطر عيون مستثمر ما عايز يعمله مول ويطلع قرار بهدمه، واتناقل كلام عن رغبة فاروق حسني في هدم الوكالة، وملاك العقار يتخانقوا مع الحي فا يقرروا يدخلوا وزارة الآثار في الموضوع، عشان وزارة الآثار ترفض إدراج المبنى في سجلات الآثار ويكون ردها "دا مجرد مبنى آيل للسقوط".

اخيرا، امبارح اتنفذ القرار حتي بعد حكم المحكمة بوقف التنفيذ، وتم هدم المبنى الأثري اللي اعتبروه غير مدرج في قايمة الآثار، عشان طوبة تانية تقع من التاريخ لأجل خاطر حفنة من الملاليم، دا غير طبعا ال١٠٠ محل اللي اصحابها اتشردوا، وشكرا.

السؤال هنا، لحد امتا هنفضل نقبل بهدم آثارنا كدة؟ هنقبل لحد امتا ان هوياتنا تنطمس؟ بلد تانية لو عدى علي عمارة ١٠٠ سنة بيدخلوها اليونسكو ٠

FB IMG 1549973664180

 

قيم الموضوع
(0 أصوات)
آخر تعديل الثلاثاء, 12 فبراير 2019 14:38
Ad Sidebar

فيس بوك

Ad Sidebar
Ad Sidebar


الزراير - شارع النيل - امام برج الساعة
السويس، مصر
الجوال: 01007147647
البريد الألكتروني: admin@suezbalady.com

تويتر

Suezbalady | السويس بلدي - الأهلى يحتفل بمرور 112 عاماً على تأسيسه https://t.co/KmF7EJaGLr
صباحكم سعادة وراحة بال لأصحاب القلوب البيضاء
Suezbalady | السويس بلدي - 'دولة الإبهار'.. وزارة 'اللا مستحيل' في الإمارات https://t.co/S46mt8j5UI
Follow جريدة السويس بلدي on Twitter
.Copyright © 2019 SuezBalady