Login to your account

Username *
Password *
Remember Me

شعر : محسن الدالي

دلوعة ابوها اللى بتحكم ..
بالعافيه عليه..
بنت خمستاشر.. شبت..وقبت..
بقت احسن واحده تثبت..
أصله مربيها بالراحه ..
على كف ايديه..

بمناسبة عيد ميلادها..
شوفوا كتبتلها إيه....

آخر العنقود البناتى..
يا سكر.. بيحلى حياتى..
اخرة نصيبى . ودعواتى...
يابنت الإيه..
دلوعة ابوها اللى بتحكم ..
بالعافيه عليه...

الضحكه اللى بتطلع صافيه..
وبتسر الروح..
والبوز اللى جايبلى الكافيه..
فين ماباروح..
وبين الاتنين حاله دافيه..
بتلم جروح...
وتطبطب على كتفه شويه..
لجل تهديه...
دلوعة ابوها اللى بتحكم..
بالعافيه عليه...

دلوعة أبوها لما تجيبلى..
إزازة ميه..
ليها بصة عين الله أكبر..
تشبه ريا..
من خوفى لتطلع روحى..
باخف شويه ..
وان كان جوايا شعور تانى..
على طول بادرايه..
دلوعة ابوها اللى بتحكم..
بالعافيه عليه..

دلوعة ابوها بتتدلع..
على كل البيت..
لو مره أطنش مصروفها..
وكأنى نسيت..
تعمل مقموصه وتتخانق..
مع طوب الحيط..
تكتبلى غرامه وتحسبها ..
بالألف جنيه...
دلوعة ابوها اللى بتحكم..
بالعافيه عليه

دلوعة ابوها إسمها بوسى...
بتشطب على كل فلوسى...
قلبت حياتى.. وطقوسى..
ولا قادر ......اقول لها ليه...
دلوعة ابوها اللى بتحكم..
بالعافيه عليه.....

قيم الموضوع
(0 أصوات)
Ad Sidebar

فيس بوك

Ad Sidebar
Ad Sidebar


الزراير - شارع النيل - امام برج الساعة
السويس، مصر
الجوال: 01007147647
البريد الألكتروني: admin@suezbalady.com

تويتر

صباح الخير لعل بينك وبين جبر خاطرك استغفار فاستغفر
Suezbalady | السويس بلدي - محافظ السويس يتابع أعمال تطوير ميدان الزراير ومنطقة المحروسة https://t.co/p1rjiqFZfa
Suezbalady | السويس بلدي - محافظ السويس يهنئ القيادات الأمنية بمناسبة عيد الشرطة ال ٦٨ https://t.co/ZRl4c5YZqa
Follow موقع السويس بلدي on Twitter
.Copyright © 2020 SuezBalady