ساعات بتدور عاللي يسمعك مش بتلاقي …………ساعات بتكون عايز نصيحه ومحتاجها اوي بس مش عارف تلجا لمين
ساعات بتبقي عايز تفضفض وخلاص ……..ساعات بتبقي خايف وحاسس انك في دوامه مالهاش حل
احب اطمنك كل شئ ان شاء الله له حل ….عشان كده جبنا لكم حلال المشاكل
لو عندك مشكله ابعتهالها واحنا ان شاء الله نحاول نساعدك وننصحك بما يتفق مع الدين والشرع وهانسمعك ونساعدك
متقلقش احنا معاك بس ابعت لنا ………..واطمن مع حلال المشاكل
………………………………………………………..
انا خطبت بنت من سنتين عمرها دلوقتي 29 سنة- واستمرت الخطوبة سنة ونصف – يعني قللت فرضتها في الزواج لحد كبير المشكلة هي اني مش مرتاح اوي لاخلاقها- حاسس انها معجبة بحد تاني – جايز يكون الاحساس ده مبالغ من ناحيتي لكن هو حاسس بكده وطبعا صعب اكمل مع واحدة بشك فيها . ضميري بيأنبني لاني لو سابتها كان المفروض يكون ده في اول كم شهر انا معترف بغلطتي . السؤال: اكمل مع واحدة بشك فيها لمجرد انه مضيعش فرصة الزواج في العمر ده وبعد ما ضيعت من عمرها سنة ونصف؟ ام افسخ الخطوبه ؟
………………………………..
حلال المشاكل : اولا السلام عليكم ورحمه الله وبركاته
ثانيا يجب ان تكون مؤمن بان الرزق بيد الله وحده
بسم الله الرحمن الرحيم
” وفي السماء رزقكم وماتوعدون ” والجواز رزق وهو يرجع لاراده الله تعالي عز وجل ولكن يجب عليك عزيز ي ان تخاف من سوء الظن والظلم وليس من تاخر الزواج
بمعني هل انت متأكد لان الله قال في كتابه العزيز ” ان بعض الظن اثم ” ثانيا اذا كانت هي مجرد حجه لكي تفسخ الخطبه وانت مرتاح الضمير فأنت بهذا تظلم الفتاه مرتين مره بالشك في سلوكها وهي شريفه وبمحاوله ايجاد مبرر لك لكي تتركها حتي ولو علي حساب سمعتها وكرامتها
لذلك فكر جيد
هل انت فعلا متأكد من انها مياله لشخص اخر
تكلم معها وبصراحه ووضوح
هل هي مجرد حجه لكي تترك الفتاه وانت مرتاح الضمير ؟
واذا كانت كذلك فمن الافضل ان تصارح نفسك وتتحمل العواقب وتبلغها بقرار الانفصال بل وتطلب منها السماح فأن تظلمها وانت صريح معها ومع نفسك افضل الف مره من ان تظلمها مرتين مره بتركها والاخري بتشويه سمعتها
ونصيحتي لك اخي العزيز لا تفكر بالزواج مره اخري الا اذا كنت متاكد من انك جاد ولا تطل فتره الخطوبه
واتقي الظلم لان الظلم ظلمات يوم القيامه
ابعتوا لنا مشكلتكم وهنساعدكم في حلها وهنحافظ على خصوصيتكم على ايميل الموقع suezbldy@yahoo.com
