بقلم :احمد الدالى
ضم الكف فوق كفنى فى المعركه والسلم
جوانا دم بيكفى يخلق بلد من حلم
سويسى الاصل مصراوى ولد مجدع
وشايل عمرى على كفى ومش هارجع
حالف ليزحف الظالم هنا ويركع
ولو يجى شايل كفنه هنا ويدفع
ولو هايجبلى ميت ارض غير ارضى مراح ينفع
ضم الكف فوق كفنى فى المعركه والسلم
جوانا دم بيكفى يخلق بلد من حلم
انا قناوى ومش ناوى اعيش الظلم تانى
وانا عواد ومش معتاد اسيب لعدو مكانى
انا عطيفى وابو هاشم وعبد المنعم
انا عادل وانا طه وانا سلمان
انا اللى عاش انا الى مااااااااات
ضم الكف فوق كفنى فى المعركه والسلم
جوانا دم بيكفى يخلق بلد من حلم
وقالو النصر !!!!!!!!!!!
وحصرونا هنا ميت يوم
وكانت فكرة مجنونه وكان موهوم
وكان ديان لكنه اتهان
وجولدمائير وغيرها كتير
هنا اتهزمو
وسار الحلم بيرفرف علم بلدى
مانا سويسى وكل النصر من بلدى
ضم الكف فوق كفنى فى المعركه والسلم
جوانا دم بيكفى يخلق بلد من حلم
