بقلم الشاعرة : فكرية غانم
تلامذة آخر الأيام وتعب القلب
ولُكشه أعلى م المصروف عشان الدرس
وسيب الشاشة والفيس واتهرى فى الدح
عشان اللجنة فى الثانوية ما بترحمش
وليه تخرج مع اصحابك …يا واد ما تحس
ويخرب بيته كان ..فيسبوك
ويا خيبة السهر ع الشات
نوينا معسكر الازمات
نذاكر بس
ولا عادشى خروج للدرس
ولا مكالمه على تليفون ، ولا موبايل
وياريت ان لا اصحابك ولا إنت هتتحايل
ويابو الواد ساعدنى كده بكام شخطه
عشان يصحى يذاكر حتى كام كلمه
وفى الآخر
أنا مش صح
والفيس صح
يا ريتنى سيبته يتنيل على الفيس بوك طول العام
كان اتدرب على التسريب
وع التنزيل وع التحميل
يا ريتنى سيبته يتفسح
ياريتنى عملت مره حساب لوقت هييجى يتكسح !!!!!!!!!!!!!!!!!!!
