ساعات بتدور عاللي يسمعك مش بتلاقي …………ساعات بتكون عايز نصيحه ومحتاجها اوي بس مش عارف تلجا لمين
ساعات بتبقي عايز تفضفض وخلاص ……..ساعات بتبقي خايف وحاسس انك في دوامه مالهاش حل
احب اطمنك كل شئ ان شاء الله له حل ….عشان كده جبنا لكم حلال المشاكل
لو عندك مشكله ابعتهالها واحنا ان شاء الله نحاول نساعدك وننصحك بما يتفق مع الدين والشرع وهانسمعك ونساعدك
متقلقش احنا معاك بس ابعت لنا ………..واطمن مع حلال المشاكل
…………………………………………………………….
اولا انا عندي 29 سنة واتجوزت وانا عندي 19 سنة وكنت لسه في الجامعه بشخص كبير في السن لضغوط من الاهل وانفصلنا بعد 4 شهور لعدم احتمال الحياة معه وبعد ذلك استقليت بحياتي واشتغلت ودرست وخلصت الجامعه وكنت بشتغل وانا بدرس ودخلت في مجال العمل وحبيته جدا ومكنتش بفكر في اي ارتباط تاني وقعدت حوالي 7 سنين بالحال ده لغاية ما الاهل رجعوا يتكلموا ويزنوا عليا في موضوع الارتباط وعلشان انا عارفة ان هما السبب في الا فات وعلشان انا عنيدة قررت ان انا اتجوز المرة دي باختياري انا وللاسف اتقدملي شخص عن طريق صديقة ليا كنت بحبها اوي وفي خلال اسبوع اتجوزنا مع ان اهلي كانوا رافضين وانا وقفت قدمهم وقولتلهم ده الا هتجوزه ..المهم اتجوزت الشخص ده واخدني ونقلتله كل عفشي عنده في شقته وبعد اول يوم جواز ظهر الشخص ده علي حقيقه بدا يضربني ويهني وكمان ياخد فلوسي وكل حاجه بقت مباحة وكمان اكتشفت انه بيتجوز الستات بطريقة زوجتك نفسي وانا قابلت وعلي الحال ده في حياته اكتر من ست وعايش بس علشان ياخد فلوس من الستات الا يعرفها بعد 8 شهور معاناة مع الشخص ده وبعد ما اخد كل حاجه عندي مطلعتش غير بعربيتي رفعت قضية خلع وانفصلت عنه وبدأت اشوف حياتي واحدة واحدة بس للاسف كان خلاني افقد الثقة بنفسي وكنت بخاف اوي من حاجات كتير….المهم…اتعرفت علي شخص محترم جدا وراجل وله نفس ظروفي عنده 3 اولاد ومراته طلبه الخلع ورجعني اثق بنفسي من جديد واحس بنفسي وقدر ينسيني الشخص ده خالص وبالعكس مبقتش بفتكر غير مواقف واضحك عليها و اتقربنا كتير من بعض وحكالي وحكيتله بس بعد ما اتعلقت بيه بدا الشخص ده يظهر علي حقيقة من نزوات وعلاقات وكان بدا يضربني ويشتمني وكان بيشرب مخدرات وانا فضلت جمبه لغاية من خلييه يبطل وكان عنده مشاكل كتير في شغله وفي حياته وانا خلصتهاله وانا كنت بدا اسس حياتي رجعت اشتغل تاني واشتريت عفش جديد وبدات اظبط حياتي وهوه موجود ظروفه المادية في الوقت ده كانت صعبة شوية قولتله انا هجيب العفش وهاخد بعدين من الفلوس واتفقنا علي كده واجرنا شقة وجبنا العفش وعشنا نظبط الشقة في اسبوعين وكنا خلاص هنروح نكتب الكتاب ونتجوز بعد الاسبوعين بس الحمد لله ان ده محصلش في الاسبوعين كان واحد تاني خالص كنت بتعامل مع حيوان مش انسان نفس الزوج التاني بالضبط ويمكن اسوء ..وبعد كده قررت اني اخد العفش وامشي وفعلا عملت كده اجرت شقة ونقلت العفش ورجعت شغلي تاني وحياتي تمام ….فجاة كل ما انساه يرجع يتصل باختي ويرجع ياثر عليا واقابله وكل مرة اضغف وافكر ارجع بس انا مش قادرة وخايفة اتجوزه علشان هوه انسان مش مضمون بجد …المشكلة اني حبيته وانه بيصعب عليا…وفي الاخر خدني لشيخ وقالي طالما متمسك بيكي يبقي بيحبك واتجوزيه وطالما عايز يخلف منك اولاد يبقي بيحبك وهيصونك …عارفين سمعت كلام الشيخ وقولت ماشي اتجوزه بمجرد ما خدت القرار وقولت ماشي كان بقي واحد تاني …بجد بيتحول…بس انا بحبه …وصعبان عليا الحب ده…بس خايفة…ياتري انا صح..في قراري في بعدي عنه …علشان ده الصح…ولا انا جيت عليه
………………………………..
حلال المشاكل : اولا السلام عليكم ورحمه الله وبركاته
ثانيا اختي العزيزه احب اولا ان انبهكي الي ماهو اهم من مشكلتك مع الشخص الاخر هي مشكلتك مع نفسك اولا
لو تمكنتي من حل مشكلتك مع نفسك ستتوصلي الي حل مشكلتك مع الاخرين
اولا اهم شروط الزواج في الاسلام هي اختيار الزوج الصالح الذي يساعدكي علي طاعه الله ويتقي الله بك
لقد خلق الله الزواج لاستمرار الحياه علي الارض الي ان يشاء الله وليس لمجرد الزواج
مشكلتك الاولي والاخيره هي سوء الاختيار فالمقياس ليس الحب هنا ولا الزواج لمجرد الزواج اسألي نفسك اولا
هل هذا هو الاب الذي اتمناه لاولادي ؟
هل هو الشخص الذي من الممكن ان اثق به ؟
هل سيتقي الله بي ؟
هل سيعينني علي الدنيا وعلي التقرب لله عز وجل ؟
وتذكري دئما قول الله” وعسي ان تحبو شيئا وهو شر لكم “
لا تفكري بقلبك بل فكري بعقلك لانك لن تتحملي صدمه اخري وانفصال اخر
ابعتوا لنا مشكلتكم وهنساعدكم في حلها وهنحافظ على خصوصيتكم على ايميل الموقعsuezbldy@yahoo.com
