استغاثة ايتام لنقابة محامين السويس … محام سرق ميراثهم مستغلا توكيلاتهم فهل تردون اليهم حقوقهم ؟؟!!
شكوى واستغاثة وصلتنا من “سارة عبد الرحمن ” في حق احد المحامين بالسويس واليكم نص شكواها بالكامل :
بعد اذن الجميع واي حد ممكن يقف معايا في الموضوع ده ويوصل الموضوع للمسؤلين .. حكايتي باختصار ان بابا الله يرحمه اتوفى من 1ونص الله يرحمه
بابا ساب لينا ميراث عباره عن محلات وشقه
من شهرين ماما راحت لمحامى علشان يقسم الميراث ده ويكتب لكل واحد نصيبه باسمه
المحامى ده فى الشارع الى ورانا ويبقا خال واحده صاحبتي وكانت زميلتي من سنين واخته صاحبه امى
بما اننا فى حالنا وطول عمرنا مش بنختلط بحد فاحنا خبرتنا مع الناس محدوده للاسف
ماما راحت للمحامى والمحامى كتب عقود تنازل وقال ان ده هى الطريقه القانونيه لتقسيم الميراث ان انا واختي كل واحد فينا يتنازل لماما واخويا القاصر (الي ماما وصيه عليه ) عن نصيبنا فى حقهم
وان هم يتنزلو لينا عن نصيبهم فى حقنا
رحنا للمحامى وانا واختي مضينا عقد تنازل لماما واخويا وكنا طرف اول بائع بالعقد والطرف التانى المفروض ماما
بعد ما مضينا اكتشغنا ان فى عقود مساحت المحلات غلط قلتله قال خلاص هظبطها ونتقابل تانى
ماما ممضتشى ساعتها لان كان عامل عقود كتير واغلبها طلع ملغبط
المهم اننا اتفقنا نتقابل تانى وادناله جزء من الاتعاب ونزلنا من عنده وسيبنا العقد الى انا واختى ماضينه
هو كان قايل لماما تعمله توكيل عام للقضايا علشان لو احتاج يرفع دعوه او يسجل حاجه
ماما بعد ما كنا عنده بكام يوم واحد معرفه قالها التوكيل ملوش لازمه والمحامى ده كتبلكو عقود غلط روحى الغى التوكيل ومترحيش ليه تانى
ماما راحت لغت التوكيل من غير ما تقله هو اتفاجأ بالمحضر جايب ليه الغاء التوكيل فعرف ان احنا مش هنكمل معاه وساعتها اتعصب جدا لان واضح انه كان ناوى يستغلنا من الاول
واتفجانا باخته جت البيت لماما وقلتلها انه فضل يزعق ويشتم لما عرف انها لغت التوكيل والى عرفته بعدين انه قلها باللغظ كده انا هندمهم وهفرمهم وهدفعهم الطاق عشره (حسبى الله ونعم الوكيل )
حاولت اتصل بيه علشان اخد العقود بتاعتى انا واختي مبيردش رحتله المكتب مش موجود
وبعد اسبوع اكتشفت انه رافع ضدى انا واختي دعوه صحه توقيع وانه بدل اول ورقتين بالعقد الى المفروض مكتوب فيهم اسم ماما بورقتين تانين حاطط فيهم اسمه وباع لنفسه شقه ومحل
الشقه والمحل دول قيمتهم اكبر من الى هو حطه بكتيررر
لما عرفت الى هو عمله اخدت جارنا ورحتله طالبنا ب35 الف جنيه علشان يتنازل
رحت لاخته قلتلى مقدرش اعمله حاجه ..والناس الى فى الشارع محدش بيدخل يحكم بينا ..واكتشفنا بعد كده انه نصاب ومزور وعمل كده مع عمه اصلا ومزور عقود بيع
ومن ساعتها وانا بلف انا واختى على المحامين ونيابه وقسم ومباحث وبنلف حوالين نفسنا
ربنا يرحمنا برحمته
المحامي المزور النصاب الي لايصلح يطلق عليه محامي خالص
اسمه #احمدمحمدالسيدالجنيدي ..
حسبي الله ونعم الوكيل فيه ده مال يتامه حسبي الله ونعم الوكيل
ادعولنا بالله عليكو والى عنده واسطه لواء والا وكيل نيابه والا مدير مباحث والاعضو مجلس شعب ممكن ينفعنا
ولو حد يعرف صفحه نقابه المحامين بالسويس يشير الشكوى فيها
