أخبار السويس
فى السلام بالسويس طعن سائق مينى باص بمطواة و تهديده بعدم دخولها مرة أخرى
تعرض سائق مينى باص خط السلام للضرب بمطواة من قبل ثلاثة أشخاص و حذروه من دخول مدينة السلام مرة أخرى .
كما روى السائق عزت تفاصيل ما حدث قائلاً ” بخصوص المينى باص تم خروج سيارة فيرنا على سائق الباص وكان بها 3 شباب وضربوا السائق بمطوة وحذروه من دخول السلام مرة أخرى وما حدش يدخل السلام غير الميكروباصات بس هل هذا يرضيكم وتخيل أنك مكان السائق محمود ماذا ستفعل ؟! “
و قد عبر أهالى السلام عن ما حدث قائلين : ” اللى حصل للسائق محمود فى معاد 7 مساء وتعرضه للضرب بالمطوة وتهديده إنه مايدخلش السلام تانى وده ما يرضيش حد فينا أبداً ومحدش يدخل السلام غير الميكروباصات ،
إحنا كلنا عاوزين نكون إيد واحدة وكلنا ننزل فى المواعيد بتاعت المينى باص خاصةً معاد 5 من السلام و7 مساء من الاربعين . ومش هانركب مع سواقين الميكروباص اللى معظمهم بلطجية ،
وفيهم طبعاً ناس محترمين وكويسين زى أى مجال تانى بس إحنا خايفين على أولادنا إخواتنا أمهاتنا خايفين على الأسرة كلها ومحتاجين الأمان فى كل شئ ،
و من ضمنها عاوزين الشباب والرجال تركب معانا علشان يعرفوا إننا مش خايفين منهم والباص هايستمر غصب عنهم وهننزل فى معاد ( 5 ) المغرب ونرجع فى معاد (7 )مساء إن شاء الله وهنعرف المختصين من كل الجهات من مباحث وصحافة واتخاذ اللازم مع الأشخاص الثلاثة بالواقعة اللى حصلت للسائق محمود وحقه مش هيضيع “
