مصطفي السويسي يكتب : الفرصة عادت يا سواسية..قولتوا ايه..ناويين.!؟
فوز السوايسة الثمين علي جمهورية شبين في السويس بهدفين لهدف..أحيي امال عشاق الازرق السويسي..واعاد لهم الفرصة من جديد للمنافسة علي الصدارة..في ظل تعثر المنافسين..ومعارك تكسير العظام فيما بينهم..ولاسيما اللقاءات التي تجمعهم..فأرتفع رصيد السوايسة الي ٤٨نقطة بالمركز الخامس..والفارق بينهم وبين بورتو السويس المتصدر اربع نقاط فقط بعد تعادله مع كوكاكولا ١/١..وتعادل الداخلية أيضا صاحب المركز الثاني برصيد ٤٠ نقطة..ضييق الفارق بينه بنقطتين والبقية تأتي..ولم ينجح سوي القناة بفوزه علي السكة فرفع رصيده الي ٤٠نقطة وقفز به للمركز الثالث..أما كوكاكولا فالفارق بينه نقطة واحدة..فالفرصة باتت جيدة للسوايسة..حيث يتبقي لكل فريق أربع جولات علي نهاية الموسم..والسوايسة لن تكون لهم مواجهة مع أي فريق منافس الا القناة بالسويس في اخر جولة..فامامهم سرس الليان والنصر والزرقا قبلها..فإن نجح السوايسة في تجميع عشرة نقاط من تلك الجولات..تصبح آمالهم للصعود محسومة بشكل كبير باذن الله.. قولوا : يارب.!!
.. قولتوا ايه يا سواسية.. ناويين..لسه الفرصة قدامكم..مفيش مستحيل..مزيد من الاصرار والعزم والتحدي القوي..نقدر يا سواسية.
..الامل في الله موجود..وآمال السوايسة عليكم معقود..يااالا بينا..الحلم طال انتظاره علي احر من الجمر..ورووونا الهمة شوية.. وشد حيلك يا بلد.!!!
……مصطفي السويسي.
