تحقيق : امل محمود (السويس بلدي)
شروط تعجيزية و قاسية فرضتها وزارة الاسكان على المستفيدين بمشروع الاسكان الاجتماعي الخاص بمحدودي الدخل الذى هو من اهم المشروعات القومية في حل مشكلة الاسكان في مصر.ومن هذه الشروط مالم يكن موجودا في شروط التعاقد ولا اعلان بنك التعمير والاسكان وعلى سبيل المثال التعامل مع بنك اخر في سداد الاقساط لمدة 7 سنوات ثم ادفع عن طريق بنك التعمير لمدة 13 سنة اخرى بعد السبع سنوات ، وكذلك مقدم الوحدة السكنية الذي قيل لهم انه لن يزيد عن 20 الف جنيه يخصم منها خمس الاف تم دفعها في مكتب البريد عند التقديم ، وقد استغاث الشباب المتقدمين لمشروع الاسكان الاجتماعي بنا وهذا بعض من النقاط التي اثاروها ونحن ندعو الجميع للتواصل معهم للوصول الى حل في هذه المعضلة :
يقول " غريب سمير" منذ حوالى عام اعلنت وزارة الاسكان عن فتح باب الحجز ل 6144 وحدة سكنية بمدينة السويس لمحدودى الدخل من ضمن شروط حجزها سداد مقدم قدره 5000 فى اى فرع من فروع مكتب البريد و 100 جنيه رسوم على ان يتم سداد 15 الف جنيه فقط عند الفوز بالوحدة و استحقاقك لها
اضاف بعد مرور اكثر من 9 اشهر من سداد 5000 جنيه قيمة الحجز و تخصيص وحدات لنا و لكن تأـى الرياح بما لا تشتهى السفن .
حيث قامت الوزارة بارسال رسائل على هواتفنا تفيد بتخصيص وحدات لنا و عندما ذهبنا الى بنك التعمير و الاسكان وقع علينا الخبر كالصاعقة حيث فوجئنا بموظف البنك يطالبنا بسداد مبالغ كبيرة مقدم للوحدة السكنية خلال 3 ايام فقط و الان سيتم الغاء التخصيص ..وتقول " نوران مصطفى" فكيف لنا محدودى الدخل او متوسطى الدخل انا ندفع 40 الف جنية او 30 الف جنيه مع العلم بان الاعلان الذى تم نشرة بشان التقديم سواء فى المرحلة الاولى او الثانية 25 الف جنية فقط وقسط شهرى 480 جنيه؟؟
ويقول " سيف الدين" هناك مشكلة يمر بها جميع شباب السويس وهى مشكله اﻻسكان الجماعى بسبب انه عند التقديم لهذا المشروع كان من شروطه أن ندفع مبلغ حوالى 20000 وبما يعادل 15% من ثمن الوحدة واﻻن نتفاجئ أن المبالغ المطلوبه كبيره من 25000 جنيه الى 50000 جنيه حسب راتب الشخص المتقدم
فكيف لشخص محدود الدخل أن يدفع هذا المبلغ خلال شهر واحد ؟؟
ويقول " احمد صالح"(جالى رسالة النهاردة من بنك مصر بتقول انه تم اصدار الموافقة الائتمانية الخاصة بقرضكم والتوجه لفرع البنك بالمحافظة لسداد قيمة المقدم
رحت قابلت موظف المبيعات وورانى الموافقة على الكمبيوتر
طالبين منى مقدم 25 الف ج وقسط شهرى 440 بيزيد سنويا ً بنسبة 7 % لمدة 7 سنين وقسط السنة السابعه بيثبت طول مدة التمويل واللى هى 20 سنة
وادانى مهله شهر للسداد ....... ولما سألته عن كلام وزير الاسكان ان المقدم 12 الف بس والقسط بيبدأ من 480 ج قالى انا ماليش دعوة بالوزير دى شروط الادارة المركزيةانا سنى 25 ومرتبى 1730 ، انا حسبتى كدا كالتالى ... 5000 مقدم الحجز + 25000 مقدم التعاقد+ 25000 دعم الصندوق+ 80000 تمويل البنك = 135000
وال 80000 بتوع تمويل البنك دول هيوصلوا ل 155000 بعد 20 سنة يعنى الشقة واقفة عليا ب 210000 )
وتقول " اسماء ابراهيم " (انا انهارد كنت ف البنك ولسه جيه منو دلوقتي وعرفه ايه اللي بيتم ياجماعه بصو بقا هي الشقه تمنها 135الف احنا دفعنا منهم 5000 اتبقا كام 130الف اللي هيتم بقا ان كل واحد ع حسب المرتب بتاعو هما هيحدد المقدم بعد القرص اللي هيدهولك البنك المركزي ودعم اللي هيدهولك الصندوق التمويل العقاري وبعد ما البنك المركزي والتمويل العقاري دول هيدولك دعم يعني هيخصمو من مبلغ من 130الف والبنك بقا اللي انت هتتحول عليه اسمك هو اللي هيحددلك انت هتدفع مقدم كام بعد ميشوفو الخصم اللي هيتم وبيحددلك 7سنين . يعني مثلا مثلا الشقه 135الف وانت دفعت 5000الف هيتبقا كام 130الف البنك المركزي هيديك قرص مثلا 10الف دول هيتخصمو من المبلغ كده هبيقا فاضل كام 120الف التمويل العقاري هيديك الدعم مثلا 10الف كده هيبقا فاضل كم من المبلغ 110الف خلاص كده ال110 دول هيروح البنك اللي انت اسمك اتحول لي هما هناك ف البنك هيعمل ايه هيحسبو 110الف دول علي 7سنين وهشوف المرتب بتاعك كام هيطلع كام من المبلغ ده المقدم بتاعك بس ادي كل اللي حكايه علشان انت هتدفع لبنك لمده 7سنين بس لحد قسط معين وبعد كده هتدفع لتمويل العقاري اللي 13 سنه يعني مثلا مثلا يعني انت القسط بتاعك طلع 350ج كل شهر طبعا هيزيدو كل سنه 7% لحد ميوصلو 620ج ده ف السنه ال7 تمام كده انت بقا هتفضل تدفع ال 620ج دول ثبتين لمده13سنه لتمويل العقاري يعني هندفع للتمويل العقاري بعد 7 سنين دفع للبنك )
