حالة من الغضب والاستياء انتابت جمهور ومشجعى نادي منتخب السويس بعد سلسلة تعادلات باهتة واخرها تعادله امس مع القناة باستاد السويس الجديد وبعد نزيف النقاط المتوالي الذي حطم امال الجمهور في تحقيق حلم الصعود ، طالب الجمهور بضرورة رحيل مجلس ادارة نادي منتخب السويس بالكامل واتهموه بالفشل وانه لم يقدم شيئا للنادي ، وقد استطلعنا بعض اراء الجمهور المتابعين لمباريات النادي داخل المحافظة وخارجها لمعرفة اسباب المطالبة ابلرحيل ،

قال محمد مرزوق : مجلس.ادارة. منتخب. السويس بعد فشل الفريق. فى حلم الصعود مفيش حسنة واحدة. اتعملت فى النادى. ولا نشاط رياضى. ولا اجتماعى ولا اى. شئ. النادى. عبارة. عن خرابه ارحلو. يافشلة

قال عمرو محسن :قولنا زمان عايزين نادى قوى يبقى لازم جمعيه عموميه قويه يعنى اعضاء فى النادى لهم رأى فعال ومهم وبيضعط ع اى مجلس عشان الصالح العام واضاف مجلس منتخب السويس لايمثلنا ارحلو‬ ، بصفتى عضو جمعيه عموميه سأطالب بمحاسبة المجلس لانه قام برفع قيمة العضويه من يوليو الماضى من 300 جنيه الى 1300 جنيه دون تقديم اى خدمات اضافيه حتى الان  وسأتقدم بمذكرة رسميه للمجلس ثم الجهة الاداريه العليا لان القرار اضر بمصلحة النادى وجمع مبالغ دون وجه حق فيما يقرب من عام دون افتتاح المشروعات اللى اعلن انها سبب رفع قيمة الاشتراك

وقال محمد احمد موسى : الي مجلس اداره السويس الفاشل انتم السبب الرئيسي في كل ما يجري داخل اسور النادى فلم يسطتع المجلس توفير الدعم المادى والمعنوى للفريق ولم يفعلو اى شى فى ملف الاستثمار ...

وقال محمد ايوب : مجلس الادارة الحالي ماشي بنفس خطي الفشل بل وأكثر .. لا قدم حلول ولا إنجازات ملموسة ولا حتي متقبل النقد .. فالنادي المختزل في فريق كرة يتمنى الصعود.. لم يصعد .. !!
المجلس الموقر له امتياز وحيد فقط لا غير .. امتيازه فقط في محاربة وتخوين واطلاق الشائعات علي الجميع .. محاربة بعضهم البعض ثم يضحكوا في وش بعض .. وتخوين أي حد ينتقد الفريق سواء كان مشجع او اعلامي او حتى هندي .. واطلاق الشائعات بطرق قذرة .. أن ده جاي يصفي حسابات او ده جاي يلمع نفسه او ده بيهد الكيان ... !!!مجلس الادارة ممتاز في الكلام ده بس .. وخلينا برضه نؤكد أن فيهم ناس بتحب النادي بجد .. لكن مفيش انجازات بالحب .. الانجازات بالفكر والاخلاص ..
هتقولي النادي مفيش فيه جنيه .. هتقولي النادي اصلا طول عمره كده .. هتقولي الاندية الشعبية اصلا كلها كده .. هقول لسيادتك ايه اللي جديد يا عبقري .. شرفتنا ليه بقي وكنت مصمم تدخل مجلس الادارة .. شرفتنا ليه بقي طالما انت مفيش عندك جديد .. شرفتنا ليه طالما انت فاشل مفيش عندك اي فكر او اراداة او حتى إخلاص للنادي ..
كفاية بقي حرام عليكم .. حرقة الدم دى مش سهلة .. انتم ناس اقل من انكم تمثلوا السويس في اي كيان يحمل اسمها .

وقال حسام حسن : أنا رأي يجي مجلس شباب يُحط خطة صعود للنادي، مش لازم يكون السنة اللي جايه ولا اللي بعدها أهم حاجة يأسس صح عشان المنظومة تكمل،وطول مهي ماشية بالبركة وبالدعا يبقي مفيش صعود

وقال مصطفى تونسي : مجلس أدارة فاشل وجهاز فني أفشل ولعيبه جاية تنافس علي الهبوط كفاية بقا حرقة دم

وقال بركات فوكس : ياريت المجلس يقدم الاستقالة لو في دم بيجري في العروق قمة العار اسمه مجلس الادارة

فيما دعا محمد فطوطة مجلس ادارة رابطة مشجعي نادى منتخب السويس الرسميه لعقد اجتماع طارئ لاتخاذ قرارات بعد اعطاء الفرصه كامله لمجلس اداره النادى.