سننشر الرسالة كما وصلتنا دون حذف او زيادة ونناشد اولى الامر انقاذ الرجل المسن واكرامه في اخر ايامه :

هذا الرجل اسمه مصطفى محمد عواد
بائع لب متجول فى المدينه الصناعيه بمحافظة السويس
هذا الرجل اثناء تجوله بالمدينه الصناعيه وقع وفقد الوعى واصحاب القلوب الرحيمه نقلوه للمستشفى العام فالاطباء قالو انه عنده جلطه عملت له شلل نصفى وفضل فى المستشفى 50يوم والمستشفى طلعته وهوا مشلول وملهوش مئوه وله ثلاث اولاد تخلو عنه وتركوا وهوا دلوقتى فى المدينه الصناعيه بقاله حوالى عشر ايام فى عز البرد القارص احنا نايمين فى بيوت حميانه من البرد وتحت بطاطين وميتين من شدة برودة الجو ما بالكم بهذا الرجل العاجز اللى مش بيقدر يتحرك ولا حتى يتدارا فى مكان يحميه من شدة الجو ده عاجز وبيتبول على نفسه فى ميكانيكى فى المدينه الصناعيه اسمه حميد ميكانيكى فولكس فتحلو عرابيه ينام فيها والراجل تعب طلبولو الاسعاف ونقلوه للمستشفى فالمستشفى رمته فى الشارع وقالو مالهوش علاج عندنا
ودار المسنين مش قبلينوا قالو ان اليوم الواحد بخمسين جنيه ودار تانيه قالت الشهر بالف جنيه لاما يجلنا محول من المستشفى الاميرى والمستشفى رافضاه ازاى دار مجانيه من الدوله وطالبين فلوس فى شرع مين ده وايه مصير الرجل الغلبان ده

انا اناشد وزارة التضامن الاجتماعى ومحافظ السويس ومدير مستشفى السويس العام
ارحموا هذا الرجل ودخلوه دار رعاية المسنين واعتبروه ثواب لله
ارحموا من فى الارض يرحمكم من فى السماء ارحموا ترحموا
واللى هتعملوا اكيد هتلاقوا اكيد بالخير او بالشر