نعمل ايه عشان ناخد العلاج الاشعاعى فى مركز القوات المسلحه لعلاج الاورام بالسويس؟ 

١- المركز متعاقد مع هيئه التامين الصحي يعنى تقدر تاخد العلاج الاشعاعى  فى المركز  بجواب تحويل من لجنه الاورام التابعه للتأمين الصحى ( اللجنه متواجده يوم الاحد والاربعاء ) 

٢ - المركز بيقدم العلاج الاشعاعى على نفقه الدوله يعنى لو المريض ملوش تأمين صحى يجى عندنا بالبطاقه الشخصيه فقط والتحاليل بتاعته وهياخد العلاج على نفقه الدوله 

٣ - المركز متعاقد أيضا مع نقابه المحامين ومع مصلحه الضرائب وشركه النصر للبترول والسويس لتصنيع البترول والتعاون للبترول والمركز الطبى للعاملين بقطاع البترول وبنك مصر وبنك القاهره يعنى اى حد شغال فى الأماكن دى ومكتوبله علاج اشعاعى يقدر يجى ياخد العلاج عندنا على احدث الاجهزه ومش محتاج يسافر 

٤ - المركز بيقدم العلاج تحت إشراف نخبه من أطباء الاورام بالقوات المسلحه وجامعه عين شمس