طباعة هذه الصفحة

اقرا اخر ماكتبت "رحمة " احد ضحايا عقار منيا القمح المنهار ..اسند على ربنا واستقوى بيه

By كانون2/يناير 12, 2016 1531


أخر ماكتبت رحمة محمد ضحية عقار منيا القمح المنهار
قبل دقائق قليلة من انتهاء حلمها و أملها في الحياة و مستقبلها الذي ينتظرها كتبت «رحمة محمد» التي تبلغ من العمر 17 عام وقد وقعت ضحية للعقار المنهار بمنيا القمح أخر منشور لها عبر حسابها الشخصي فيس بوك.
كتبت كالمات تعبر عن مدى برأتها و قوة ايمانها بالله قائلة «لما بتنزل تحت الدش وتقف فتره طويلة تستحمى .. بتلاقى صوابع راجلك وايدك كرمشت .. جسمك تحس انو بيبوش صح؟!! ، سيدنا يونس وهو في بطن الحوت فضل 3 أيام جوا بطنه .. والحوت طلعه من بقه ورماه على الشط .. وكان جسم سيدنا يونس بايش تماماً زى صوابع رجلك وايدك وأنت بتاخد دش وأكتر!! ، شوف كمية الحنان اللي في الآيه ربنا بيقول “وانبتنا عليه شجرة من يقطين” تخيل كده الشجرة وهى بتطلع جمب سيدنا يونس عشان تضلل عليه لأن الشمس لو لمسته وهو بالشكل ده هياخد ضربة شمس ويموت!! ، وشوف كمان قال وانبتنا .. مقالش وكانت بجواره شجرة .. لا دى شجرة طلعتله مخصوص ، واليقطين ده .. يعنى شجره ورقها تخين و الورقة حجمها نفس حجم ودن الفيل!! .. بحيث تكون ضلة تماماً وتحميه من شعاع الشمس لحد ما يفوق وجسمه ينشف وترجع قوته من جديد .. ربنا طيب .. هيضلل عليك ويحميك .. مهما تبوشك الأيام والصعوبات .. مهما تحس بضعف وكسره .. ربنا هيطلعلك الخير من وسط المحنة .. حتى لو أنت مش شايف الخير ده زى سيدنا يونس مكنش شايف الشجرة!! صدقنى هتلاقى الحلول طلعتلك فجأة من حيث لا تدرى زى شجرة يونس!! .. اسند على ربنا واستقوى بيه لأنه قوىي هيقويك وهيجعلك تستعيد قوتك وتقدر تواجه اي شئ .. و اوعاك تقلق!! ربناا مش هيخزلك مهما كان الحزن والهم .. هيوفقك ويحققلك حلمك».

قيم الموضوع
(1 تصويت)
السويس بلدي

أحدث مقالات السويس بلدي