بمناسبة الاحتفال بالذكرى 43 لنصر أكتوبر 1973، شن المصريون حملة تحت شعار "فكرهم ونكد عليهم" للسخرية من المتحدث باسم الجيش الإسرائيلى أفيخاى أدرعى، وذلك لتذكير العدو الصهيونى بانتصار أكتوبر العظيم الذى تلقت فيه إسرائيل الهزيمة.

ففى كل مناسبة عربية أو إسلامية يقوم أفيخاى بالتهنئة، ولكنه من الواضح أنه تجاهل مناسبة 6 أكتوبر، التى تعد الأهم بالنسبة للمصريين، لذا قام نشطاء مواقع التواصل الاجتماعى بـ"الواجب".

وعلق بعض النشطاء على صفحة المتحدث باسم الجيش الإسرائيلى، عبر موقع التواصل الاجتماعى "فيسبوك" قائلين: "تعودنا من أفيخاى أن يشاركنا لحظاتنا الجميلة وأعيادنا المختلفة والمناسبات السعيدة من خلال التهانى الخاصة منه.. ونحن فى انتظار تهنئته للمصريين بذكرى انتصار حرب أكتوبر المجيدة كما قام وقتها الجيش المصرى بتهنئتكم بيوم كبير على طريقته الخاصة.. هيا يا أفيخاى أظهر روح التعايش السلمى وابعث لنا بالتهانى.. كل سنة وإحنا معلمين عليك يا فيخو والسنة الجاية كده تكون مفيش حاجة اسمها إسرائيل فى الدنيا 43 سنة كفاية عليكوا قوى كده إن شاء الله هنعلم عليكو تانى قريب أنت وإسرائيل بتعتك والمرة دى مش هتكون 6 ساعات زى المرة اللى فاتت المرة دى أوعدك أنت وبلدك هتكون ساعة بس ومفيش حاجة اسمها إسرائيل فى الدنيا".
وأضاف آخرون: "كل سنة وأنت مش طيب.. وزى كل سنة أحب أفكرك باليوم ده.. اليوم اللى أجدادى فيه داسوا على وشوشكم فى 73.. وطول ماحنا موجودين ما فيش كلب فيكم ها يقرب من مصر.. وها يجى اليوم اللى نرفع فيه علم فلسطين فوق الأقصى.. غصب عنكم.. كل سنة وأنتوا مهزومين.. ابقا خلى مامى تعملك طبق فشار كبيير واقعد اتفرج على فيلم الرصاصة لا تزال فى جيبى وعيط عشان تفتكر وكستكوا يا موكوس".