Login to your account

Username *
Password *
Remember Me

عجائب القدر : "الآيس كريم " ينقذ حياة طفلة من الغرق في ترعة السويس بالجناين

الغطاس محمود سالم ونجله الغطاس محمود سالم ونجله
كان القدر رحيما بالطفلة التي سقطت سيارة والدها في ترعة السويس امام جبلاية الفاروكانت تقلها هي وشقيقها ووالدهما حيث لفظ شقيقها البالغ من العمر 5 سنوات انفاسه الاخيرة ولكن تمكن غطاسا كان يمر مصادفة في المنطقة مع عائلته من انقاذها واخراجها من الترعة على قيد الحياة .
يحكي " محمود سالم " البالغ من العمر 32 عاما ويعمل غطاسا باحد الشركات ماحدث قائلا :نزلت الترعه وطلعت البنت وبعدها جبت الولد الصغير بعد 10 دقائق من البحث عنه بعد ان سقطت السيارة في الترعة
المنظر كان صعب جدا ووالدهم طلع لوحده من الترعة وانا نزلت جبت البنت ووالدها قالي ابني لسة تحت مطلعش ونزلت تاني فضلت احاول لحد ماطلعته بس كان خلاص فارق الحياة
معرفش بالظبط انا ربنا جابني المكان ده مش عارف اذاي بالرغم انه ماليش هناك مصلحه وانا في عرب المعمل وكنت في مشوار قريب علي اول الهويس وخلصت مشواري ابني قالي عاوز ايس كريم، وفيه واحد علي الهويس بيعمل ايس كريم طازة فقلت اشتري له من هناك. سبحان الله انا حصلت معايا حاجات خلال النص ساعه دي غريبه عشان ربنا يجعلني سبب واكون هناك في الموقف ده
انا كان معايا زوجتي واولادي مالك وحمزة و ركنت العربيه ونزلت اجيب الآيس كريم وسمعت صراخ بتلفت لقيت الناس بيقولو العربية وقعت في الترعه
انا قبل منزل الترعه كان في ناس نزلت قبل مني في الترعه بس محدش عارف ينزل تحت للعربيه ، طلعت البنت وابوها طلع لوحده ولما قالي ابني لسة تحت في العربية نزلت تاني بس جبته مفيهوش نفس والناس خدوهم على المستشفي
الحوار اللى انا بحكيه دة اخد بالظبط من ربع ساعة الي تلت ساعه وانا قعدت عشر دقايق بدور علي الولد علي ماقدرت اجيبو بس انا ميئستش ربنا قدرني وطلعتو
قيم الموضوع
(0 أصوات)
Ad Sidebar

فيس بوك

Ad Sidebar
Ad Sidebar
.Copyright © 2020 SuezBalady