تداول رواد مواقع التواصل الاجتماعى، تدوينات فيما بينهم عن أخطر نوعين من المعازيم يحضرون الأفراح.

وقال محمد عمار إن النوع الأول يسير على مبدأ "صحيح لبّس البوصة تبقى عروسة" وتعليقاتها كالتالى: "شايفة العروسة عاملة إزاى، وإيه الفستان البيئة أوى دا، علىّ النعمة شكلها مأجراه من عند أبو نسمة اللى تحت الكوبرى".

"ويا لهوى على الميك أب الأوفر ده، تحس إن اللى عاملهولها نقّاش، واخدها على إيه بس، دى معفنة ومسلوعة على فكرة، هى وحشة جدا بس الميك أب اللى عامل لها منظر، ودى مش عينيها دى عدسات من أم 20 جنيه".

النوع الثانى: "تلاقى الأم بتقول لبنتها قعدت أقول لك ضل راجل ولا ضل حيطة، والواد كسّيب وبيجيب القرش، قعدتِ تقولى لى الفلوس مش كل حاجة أصلا، وبعدين ده شكله بيئة ومعفن وشكله مديون وعليه أحكام".

"خليكِ كدا يا أختى أهو قاعد فى الكوشة جنب واحدة ماتجيش فى ربع جمالك وحلاوتك وملبسها دهب بأد كده، وإنتِ قاعدة فى أرابيز أمى، إلهى تتوكسى أكتر ما إنتِ موكوسة".

فترد عليها البنت: "وأنا كنت أعرف منين إنه لما يستحمى هيبقى نضيف أوى ابن المبقعة ده، ماكانش عارف يستحمى قبل ما ييجى يقابلنى".