دشن رواد موقع التواصل الاجتماعى "فيس بوك" دعوة غريبة، حيث تداولوا "إيفينت" بعنوان "مهرجان البوسة" بساحة كلية التجارة فى جامعة القاهرة.

وكتبت الصفحة الرسمية للإيفنت على الفيسبوك: "قبل ما تكتب بوست شبهك، افهم الكلام وبعدين اتكلم.. واللى هيتكلم بأسلوب غير لائق هيطلع برا، دلوقتى هنعمل حاجة إحنا شايفنها صح اننا ندعى كل اتنين مرتبطين أو مخطوبين عشان يعبروا عن حبهم لبعض سواء من خلال هدية أو أقل حاجة ممكن تتعمل للإنسان اللى بنحبه وهى البوسة على خده".

وأضافت التدوينة: "اللى جى معانا يعمل جوينج للإيفنت غير كده ملوش دعوة بينا، ومحدش هيقدر يمنعنا، احنا هنرفع شعار "أنهى 2015 ببوسة لأغلى حد عندك" حتى لو من بعيد هننهى السنة ببوسة لبعض وتعبير عن الحب لأقرب وأعز الناس علينا واللى مش عاجبه يخبط دماغه فى الحيط".

واختتمت التدوينة: "هنستناكوا يوم 31 ديسمبر الساعة 3 العصر بساحة كلية التجارة بالجامعة وسيبك".

وعلق رواد مواقع التواصل الاجتماعى على الإيفنت: "يعنى أنا لو متجوز هاجى أبوس مراتى قدامك ليه؟! ولو خاطب هبوسها إزاى؟ ولو حتى ينفع أبوسها قدامك بتاع إيه؟! وعامل نفسك ناصح وكاتب شوية كلام فى الأول، طب حتى الاسم اللى أنت مختاره غلط، وتقول بوسه فى خدها! لا والله؟ احنا ممكن نكون مش ملتزمين أوى آه، بس بنغير على ديننا وعاداتنا جامد بالذات in public، وعلى فكرة أنا زرت بلاد كتير وعايش هناك أصلا واللى انت بتعمله دا هناك اسمه تخلف ورجعية".

وقالت دستى جراف: "أنا أمريكية مسلمة، كنت أقيم بمصر فترة، تعلمت فيها بالأزهر الشريف، أنا open minded جدا، لكن فی حدود الدين، تعلمت فی الأزهر أنه لا يحل لرجل أن يمس امرأة أجنبية بشهوة أو غير شهوة، تخيل إذا كانت ساعة موتك خلال هذا الحدث، ماذا ستقول لربك؟، فكر قليلا".

وأضاف أحمد مازحا: "أنا كان نفسى انحرف من زمان بس ماكنتش لاقى اللى يوجهنى".