بقلم الشاعر : محمود هاشم

سيادة المُبجل مدير الادارة..
صاحب الهَلُمَة وصاحب العمارة..
يا كامل في وصفك وخالي العيوب..
تحية طويلة..ومُحن وقلوب
مُرسل يافندم اليكم جواب..
بعلم الوصول
برغم المشاغِل..
وتُقل الحِمول
بنشغِل ساعادتك..
بأتفه امور
..
اما بعد..
محتار يا فندم هبدأ منين..
ولكن سعادتك هنلجأ لمين..
موضوعي اصله في غاية السئالة..
بشأن المرتب و اخر حوالة..
هقصًر كلامي واقول المهم..
وابلغ جنابك بايه اللي تم..
..
انا ليا اصلا حبة شهور..
داير في ساقية..
وعامل كطور..
ومضروب بجزمة
وكل اما بسئل بتوع المالية..
يقولوا ان ليا..
ولكن في ازمة
وصابر يافندم واقول..
بكرة تِحلَى..
وعارف دي محنة..
تقوم لما تِحلَى..ويجي الفرج..
يقصوا المرتب..يسوقوا العوج..
شوفت العبث..شوفت الهَرَج..
ضاعت فلوسنا يا ١٠٠خسارة
احكم يا فندم ..هتحكم بايه?
المرسل اليه..
"سيادة المبجل مدير الادارة"
‫#‏محمود_هاشم‬
‫#‏اخر_حوالة‬