في الغردقه جميع الأحجام ..

 (بونجز، دريني، أبو لولو) فم من صغير لمتوسط )

 (شعور ومحسن وشريفة وكُشر ) فم كبير نسبيا

و ستجد باراكودا، ناجل، جرم بياض، بياض سليخ، كوشر ، دراك .. فم ضخم

نمسكهم سمكة سمكة:

- الناجل و التوين: خيط 120 علي لنسة و سن ضخم و سمكة بونجز او عنبر كبيرة حية وتوكل على الله

- جرم البياض: سن 06 و كاليماري طازة او حي بأحشائه .... و لكن خد بالك شدته مفاجئة و قوية جداااااا يعني لو علي ايدك هاتكون صعب اوي

- الباراكودا: حسب حجمها تحدد مقاس السنون .. و خيط 60 او 70 و لازم وش واير ... علي اليد او علي عود مش هاتفرق

- الدراك: زي الباراكودا بس الدراك بيشوف الواير و بيخاف منه .. و لو حطيت سن بدون واير هايقصه ... يعني مافيش فايدة : :يبقى تسحب السمكة ( الطعم ) كأنك بتصطاد كاليمارى هايدخل عليها جرى

اعمل حسابك ان اول مجموعتين ممكن تصطادهم بنفس الطريقة و نفس العدة (ما عدا الدريني فمه صغير فتحتاج سن 4 او 6) .. اذن بالنسبه للتسقيط هتحتاج عود قوي صب 1.8 متر أقصي طول .. وخيط 50 و يفضل 60 .. و سنون من مقاس 1 الي 03 .. و2 كيلو رصاص لكثر

وبالتسبه للشاطئ

بوصه طويله 5 متر وخيوط 40 و50 والسنون من مقاس 1 الي 03 وطبعاً الرصاص والعوامات

- كن جاهز ببدائل ... يعني مثلا خيط 40 علي مكنة و ممكن مكنة تانية احتياطي عليها خيط 50 .. او علي لنسة

- كن جاهز بـ "لبارة كاليماري" متركبة علي خيط جاهز ... لأن وقت ما تشوف الكاليماري قدامك مش هايستناك علي ما تركب اللبارة في الخيط! الكاليماري عادة لا يستقر في مكانه

- كن جاهز لأي شيء و كل شيء لإن انت قدام منك بحر و متعرفش البحر فيه ايه! عشان كدا لازم يكون معك سنون من جميع الأحجام، تنويعة كبيرة من الخيوط بما يتناسب مع السنون، رصاص من جميع الأحجام، غماز .. ممكن تحتاجه، موتور هواء لإعاشة الطعم الحي، قفاز، فوطة، بنسة او زرادية و قصافة، سكين لتقطيع الطعم و مقص ... الخ ..