Login to your account

Username *
Password *
Remember Me

علشان اللي بيقرو قصتي ميغلطوش غلطتي

د داليا صبري د داليا صبري

 د داليا صبري خبيرة التجميل بنت السويس الباسلة تحكي عن تجربتها الشخصية وكيف وصلت إلى هذا المستوى الرفيع ودمجها بين موهبتها بالدراسة والكورسات .

قالت د داليا صبري:  

طيب ممكن اكسر قواعد الجروب واحكي قصتي علشان الليبيقرو ميغلطوش غلطتي  انا اسمي داليا مبدئيا انا عندي ٤٠ سنه بالظبط مواليد ١٩٨٠ كل اللي عملته قبل ال ٣٠ اني اتجوزت فقط من سن ٢١ ل ٣٠ معلملتش اي حاجه في حياتي اخدت بكالوريوس تجاره ودبلومة وشكرا كانت عندي فكرة متخلفه ان البنت افضل حاجه انها متشتغلش وتعيش هانم كده والشغل والمرمطه للرجالة مش عارفه الفكرة جتلي منين بس اهًوه كانت موجوده بعد ال ٣٠كنت حاسه ان الاعده جبتلي تخلف عقلي وانا بطبعي حد بيحب الحياه وبعد نظره كده لحياتي قلت ايه ده انا تقريبا حياتي واقفه زوجة وأم ل ٣ عيال  وبقيت اقول انا ازاي عامله في نفسي كده مش اني زوجة وأم لا اني بقيت منعزله عن الدنيا وجالي كسل فكري رهيب وكانت اول الشراره اشتغلت في البدايه في مجال الأعشاب الطبيعية جت صدفه ولقيت نفسي فيها اخدت كورسات وبقيت بعمل تركيبات بسيطه للبشره والشعر زي شغل العطارين كده وأبيع منتجاتي الموضوع كبر وبقت منتجاتي تتطلب بالاسم الموضوع كبر اكتر ودخلت مجال التجميل الموضوع كبر زياده وقدمت علي دراسات عليا في اداراة الاعمال لاني حبيت مجال سيدات الاعمال واني مش بس أكون ناجحه بموهبه لا حبيت أكون اداريا سيدة أعمال متميزه جتلي الفكرة وانا بطلع السجل التجاري والبطاقة الضريبية دراسات الاعمال اتطورت ولقيت نفسي بقدم الماجيستير ومشروعي الحمد لله ناجح من مركز تجميل صغير لمركز تجميل كبير بقيت اي دورة لسيدات الاعمال اشترك فيها اخدت إعداد قادة من الجيش التالت أخدت دورة للأوراق الماليه من البنك الأوربي الدولي أخدت إعداد قاده تاني من اكتر من جه واخدت دورات في التسويق وإدارة الاعمال والمحاسبة كل ده وانا بردو مكمله في الماجستير وأخيرا أخدته اخر سنة ٢٠١٨والحمد لله شغلي ناجح ومركز التجميل شغال واتكرمت من محافظ السويس والوزيرة نيفين جامع من ضمن سيدات الاعمال الناجحين اسكت لا مركز أبحاث مصر كان فيه مسابقة للأبحاث عملت بحث في أدارة أعمال المشاريع المتوسطه والصغيرة وإزاي نعدي الأزمات وخصوصا في ظروف اقتصاديه صعبه للبلاد قدمت البحث وفوزت في المسابقة والبحث اتسجل في مركز البحوث مصر العالم ب اسمي وكانت المفاجأة اللي جت من غير تخطيط اني بسبب البحث اترشحت للدكتوراه الفخرية من المعهد العربي للدراسات العليا وتم تكريمي واخدت الدكتوراه الفخرية وفي مجال شغلي مش بس بقيت مجرد صاحبة سنتر تجميل لا انا كمان بقيت تكنيكال في شغلي وبقيت مدرب دولي في مجال شغلي الحمد لله وكمان اترشحت اني أكون من ضمن الفريق المصري للاتحاد الدولي الأوربي للتزيين وأمثل مصر في البانيا بقيت المنسق العام الدولي للاتحاد الأوربي للتزيين في مصر كل الأحداث ديه في ١٠ سنين فقط من ٣٠ ل ٤٠ ساعات ببص لنفسي وازعل علي ال ١٠ سنين اللي ضيعتهم من عمري قبل سن ال ٣٠ هو كل خطوة ربنا كتبها وكل شيء بمعاد بس اوعي تغلط غلطتي بدل عندك الموهبه دوس وأجري وادرس وأتعب واجتهد امسك نجوم السما واكيد في النهاية لكل مجتهد نصيب الدرس كمان اللي عايزه كل بنت تستفاد منه ان عملت كل الإنجازات ديه وانا زوجة وأم ل ٣ ولدين وبنت يعني من الآخر كده لو عاوزه تنجحي الجواز والخلفة استحاله تعطلك انجح وابقي وحش وبطل في اي سن واوعي تقول راحت عليا ولا الكلام ده احنا ابطال طول الوقت 

قيم الموضوع
(0 أصوات)
آخر تعديل الثلاثاء, 14 نيسان/أبريل 2020 13:10

فيس بوك

Ad_square_02
Ad_square_03
.Copyright © 2024 SuezBalady