Login to your account

Username *
Password *
Remember Me

بقلم الشاعر/إبراهيم أبو سمرة .. أنا يوم ما أموت أضحكوا ما تعيطوش

أنا يوم ما أموت
أضحكوا ما تعيطوش
أضحكوا الضحك اللي يلمع ف الوشوش
والبسوا الألوان يوماتي
وأطبخوا الأكل الطبيعي ف البيوت
غيروا الحزن اللي جواكوا لنُكَتْ
وأعملوا الصوان ف بيتنا
من كراسي الأنتريه
أزرعوا حواليا من بِكرْ الشجر  
وزعوا ضحكي اللي تَرّبْ ع الوشوش
كملوا الحلم اللي ياما حلمتوا بيه
وزعوا من عمري كلمة ف السكوت
..
أنا يوم ما أموت
هأنسى مين بكاني يوم
وأفتكر كل اللي ضحكني بتفاهه
هأفتكر كل اللي فكر يوم ف حزني
وأنسى مين جوه قلبي ساب لي عاهه
وأحترمكوا
حتى لو ف قلوبكوا دود
..
أنا يوم ما أموت
هأندفن وترابكوا راح يدخل عيوني
وأسألوني
لسه بيجيلك صداع
طب شايفنا وأحنا بنسلم عليك
في الحقيقة هابقى شايف كل واحد جه يبارك
كل واحد جه وعيط ع المقابر مش علَيّا
واللي بيعيط علَيّا
كان عياط سارقه الحنين
أنا لما أموت
أبقوا أسالوكوا ف سركم
أنا كنت مين ؟!
.
رحم الله الملك كمال فريد
#من_شوارع_السويس

قيم الموضوع
(0 أصوات)

فيس بوك

Ad_square_02
Ad_square_03
.Copyright © 2024 SuezBalady