Login to your account

Username *
Password *
Remember Me

نجمة تتلألأ في سماء السويس ..منة بطلة التحدي والريشة الطايرة

نجمتنا اليوم نجمة تلألأت وأضاءت فى عدة مجالات نجمتنا اليوم هى النجمة 

بنت السويس صاحبة الوجه الملائكي والضحكة الحلوة. ?

منة الله سعيد بطلة الريشة اللي رافعة اسم السويس واسم جامعة السويس فوق دايماً. ❤️ 

منة عندها 21 سنة وطالبة في كلية الآداب قسم فلسفة وحالياً في الفرقة الثالثة ومتفوقة جداً في دراستها وبتحب كليتها والدكاترة في الكلية تشهد بأدب واخلاق وتفوق منة. ❤️

في الحقيقة منة مميزة جداً في كل حاجة سواء ضحكتها أو ملامحها أو إنجازاتها في السن الصغير ده أو حتى مرضها النادر جداً "العظم الزجاجي" وفعلاً منة مثل أعلى وفخر لكل شباب مصر على التحدي والصمود والصبر وقوة التحمل اللي هي فيها. ✨?

بطلة بكل ما تحمله الكلمة من معنى حرفياً ونتمنى نشوف منة في شباب جيلها كلهم. ❤️

نبذه عن قصة الكفاح والتحدي والمشوار الرياضي للبطلة منة. ???

البطولة الأولى كانت يوم 27/11/2020  حققت فيها مركز رابع جمهورية واخدت ميدالية برونزية ودي كانت أول ميدالية ليها وكان ليها عند منة مكانة مختلفة كدة والبطولة كانت بعد شهرين تمرين بس وكان وقتها غلط عليها المشاركة لانها كنت تعبانة جداً وعندها مشاكل في التنفس ويومها الدكتور فضل يقولها مش هينفع وبلاش مش هتقدري تستحملي كل المجهود ده بس الارادة كانت أقوى من كلام الدكتور الحمد لله منة حققت فيها حلمها وبقى قبل اسمها دايماً محطوط لقب بطلة وفي الحقيقة منة مش بس بطلة في الريشة، لا دي بطلة حياتها وبطلة انها قادرة تعدي كل ده وقادرة تحقق احلامها رغم كل المحن والتحديات والمشاكل والتعب والظروف الصحية اللي بتأثر عليها أو اللي تعتبر عايشة معاها من وقت ولادتها. 

الحرب مع منة بدأت من زمان اووووي بس هي جندي شجاع ومحارب قوي قصاد اي حد واي حاجة وقد التحدي والامتحان وعارفة ان لسة بدري ولسة فاضل امتحانات تانية كتير بس واثقة في ربنا وعارفة أنه هيديها القوة والعزيمة اللي تخليها تطلع من اي حاجة وتكون كسبانة والدليل على كدة هي بطولة كأس الاتحاد اللي كانت يوم 19/3/2021 ودي كانت بعد العملية اللي عملتها بأيام وكان بقالها بالظبط 3 ايام بدأت تدوس على رجليها وكان وقتها دكتور العظام رافض رفض تام انها تشارك وكان بيقولها عايزة تطلعي من الدار للنار كدة على طول ده احنا حتى لسة مش عارفين سبب كل اللي بيحصل معاكي ده ايه ( اللي حصل أن جالها مياه على مفصل الحوض ودي حاجة بتيجي لواحد في المليار ومش تيجي لحد سنه صغير نهائي ) الحمد لله كانت هي الواحد ده وبردو كانت قد المعركة وكسبت في الاخر وبردو كسبت البطولة ويومها رجعت بمركزين وميداليتين مختلفتين وكانت مركز ثاني فردي وميدالية فضة ومركز ثالث زوجي مختلط وميدالية برونز. ???

المعركة ماخلصتش لحد هنا، لا منة فضلت مكملة ومستحملة الأزمات الصحية اللي بتحصلها والأوقات الصعبة واليأس ماقدرش يسيطر عليها وشاركت في اخر بطولة جمهورية اتعملت في القاهرة وكانت يوم 27/11/2021 وكان يوم مهم جداً لبطلة السويس منة ورجعت اليوم ده وهي رافعة اسم السويس والجامعة للمرة الثالثة على التوالي وجابت مركز ثاني واخدت ميدالية فضة. ? 

أصبح إجمالي عدد الميداليات لمنة 4 ميداليات بين الفضة والبرونز وان شاء الله الميدالية الدهب هتيجي في البطولة الجاية. ??

بجانب مشوار منة الرياضي كان مشوارها العلمي والعملي واخدين حقهم منها وقدرت بكل الطاقة الإيجابية والبشاشة والقوة وروحها الحلوة انها تحقق حاجات مفيش حد في سنها حققها واصبحت من أهم الناس في مجالاتها ومن الشخصيات العامة والمعروفة على مستوى السويس. ❤️

منة من اكتر 10 شخصيات مؤثرة في السويس لسنة 2021 وهي فعلاً تستحق اللقب. 

ده غير أنها مدربة تنمية ذاتية في مبادرة مصر تتعلم ومعهد نظم المعلومات الجيش الثالث الميداني. 

اخصائية تحول رقمي. 

مدربة تنمية ذاتية رقمي في المجموعة العربية للدراسات. 

سفيرة سوبرنوڤا في السويس. 

نائبة سفير ATI Suez. 

كانت نائبة رئيس لجنة التسويق في المهرجان العربي الدولي لذوي الاحتياجات الخاصة فرع السويس. 

كانت رئيسة لجنة التسويق في ATI Cairo. 

كانت عضوة علاقات عامة في ATI Suez. 

عضوة لجنة تنظيم في YLY Suez.

عضوة لجنة الموارد البشرية في AAPG.

عضوة برلمان الشباب بمحافظة السويس.

عضوة بفريق مراكز شباب مصر. 

اخدت كورسات كتير في التسويق. 

ده غير كورسات ال Soft Skills. 

Office. 

Photoshop. 

TOT.

Graphic.

وكدة نكون اتكلمنا عن جزء بسيط من حياة البطلة منة ونتمنى نشوفها دايماً في تقدم ونجاح وتحقق انجازات اكتر. 

FB IMG 1650369348213

FB IMG 1650369335885

قيم الموضوع
(0 أصوات)

فيس بوك

Ad_square_02
Ad_square_03
.Copyright © 2022 SuezBalady