ريشتك بشعر البنات و الولاد
بترسم وشوشهم
ألامهم و خوفهم
و لما تشوفهم
بترسم بلاد
وترسم أمالهم بألوان فرايحي

عجيب انت خالص
فى عز الوجع و عز الألام
لسه بتضحك فى وش العوام
تفرق عليهم ضحكة عيونك
و تاخد لنفسك كل الوجع
سلامتك يا صاحبي
يا لون شط بحري
يا ريشة بتمشي ف شوارع مدينه
لسه مدينه
ليك و لعمايلك

هقولك حكايه
بص ف عيونهم
ولادك
زمايلك
تلاقي ابتسامتك تنور وشوشهم
و دعوة قلوبهم لحد السما
تقولك .. هتقدر
و تسلم يا صاحبي من كل سوء