كنتى منتظرة الحكم حتى تتكلمى و قولتى إن بناتي كان عندهم حفلة إلى الساعة الخامسة صباحًا وأن الحفلة بها ولاد وبنات وسكرحتي أوضح كذبك 

الحكم درجة أولى و غيابي فهو ليس نهائي ولماذا تشتكي من الصوت العالي للتلفزيون إذا كان هناك حفلة ؟ هل صوت التليفزيون أعلى من الحفلة

كنت أتصور أن تشتكي من الحفلة ومن السكر وليس من صوت التليفزيون وأن تثبتي ذلك في المحضر

وقال هشام سليم لم أتدخل حتي الآن وكنت مسالمًا ولكن كلامك هذا  يخص بناتي وسمعتهم و لن أسكت عليه مضيفًا ان الحكم سيأتى وسترفع عليكي قضايا أخرى بالتشهير بسمعة بنات  الناس

وأضاف  سمعتك يعلمها الجميع وطريقتك لن تزيد من شهرتك خاصة وأنت كاذبة من وقت حدوث المشكلة أسف أن تكوني من الوسط الفني وكان يجب أن تكوني بتاعة كرشة

و قال أولا أنا الحمد لله تركت القرية إللى إنتي فيها مش علشان الناس طردوني زي ما بيحصل للي ما يعرفوش الأصول وأنا فعلا لا يشرفني أن تكوني جارتي لان سمعتك في الوسط معروفه 

 ثانيًا القضية لسة ما خلصتش ولما الحكم النهائي يطلع أرجو أن يظل القضاء عادل لاني سأثبت أنك كاذبة وتتمادين في الكذب حتي اليوم

ثالثًا إنتي في المحضر قلتي صوت عالي طالع من الفيلا بتاعة إللي جانبك طب ما قلتيش ليه إن فيه حفلات صاخبة وبنات وولاد وشوية تحابيش من إللي إيه إللي بتاليفيها  

فاكرة التورتة اللي لبسوها في وشك في التصوير

وقال  سليم رابعا إيه إللي وداكي عند الجار وقابلتي بناتي برة أمام الفيلا يعني ما  كانوش جوة في الحفلة الصاخبة

خامسًا لما الولاد والبنات طلعولك وهذا يؤكد إنك كنتي أمام فيلتهم ما فيش غير بنتي إللي ضربتك بالموبايل ده المفروض كانوا كلهم يتلموا عليكي ويتسلوا عليكي،

سادسا ما جيبتيش سيرة العربيات السودة والبودي جاردات وطلبك ليهم  يطلعوا المسدسات لية

وقال سابعًا مش تفهمي الأول القضايا بتمشي إزاي قبل ما تقولي المحكمة حكمت ولا الجهل القضائي عندك زايد لو كده إسألي شلة المحامين إللي إنتي جايباهم

 ثامنا لن اعتذر ليكى لاني كلمتك أول يوم وجوزك رد عليا بعد تالت مرة  وإنتى غلطانة إنك نزلتي من بيتك وتتكلمي مع عيال وإللي يمشي ورا العيال ما يخلاش من التهزيق

ونصيحة مني علشان تكذبي لازم تكذبي صح وما تنسيش إللي قلتيه قبل كده

 إلي اللقاء في الحكم النهائي ويا تري لسة بتلعبي اسكواش