وجهت الفنانة اللبنانية هيفاء وهبي، نصيحة لمؤدي المهرجانات حمو بيكا، قائلة: "الناس بتحبك وبقول له ركز في شغلك وفي الأغاني الحلوة وهو دا اللي الناس عايزاه منك".

ورد حمو بيكا خلال لقائه ببرنامج “مصر جديدة” المذاع على قناة “إي تي سي”: "أنا مش عارف أشتغل أنا بتعجن بس وبيقطعوا لقمة عيشي من أي مكان وأنا ممنوع أغني في أي مكان في مصر، ومحتاج أقف قدام جمهوري ويسمعوا باقي شغلي وجمهوري في مصر مش عارف يقف يتفرج عليا".

 لتعقب هيفاء وهبي: "ما تركزش في الهجوم واعمل أغاني حلوة والناس بتحب الأغاني الحلوة منك، والمزيكا بتاعتك هدفها إن الناس تنبسط والاختلاف مطلوب وحلو وأنت مختلف".

 وتابعت: "ما كنتش بستحمل الهجوم لأني ابتديت صغيرة وما كنتش عارفة إيه اللي بيحصل حواليَ، ولكن حمو بيكا إنسان ناضج وعايز يقول هو سند لعائلته ومش عايز حد يهز السند دا وعايز يشتغل، وأنا ما كنتش بقدر أستحمل الهجوم عليَّ لحد لما بقى عندي خبرة واكتشفت إن فيه ناس معينة عايزة تحفظ الناس حاجة وحشة عننا".

وأكملت هيفاء وهبي: "ما تركزش في أي حد بيقول عنك إيه وأنا بحب الأغاني اللي أنت بتغنيها، وسر نجاح أي فنان إنه يركز في شغله وأنا ما بحبش الفنان يتهاجم ولكن مبحبش أي حد يتهاجم يرد على المهاجمين عليه".