779 زائر، ولايوجد أعضاء داخل الموقع
|
|
|
|
|
|
|
|
|
السويس بلدي
ننشر قصيدة الأبنودى التى لم تنشر وكتبت في السويس بعد نكسة 1967
نيسان/أبريل 25, 2015
بقلم الاستاذ : سيد كراوية
قصيدة الأبنودى التى لم تنشر ..لهذه القصيده زمن وقصة .. كتبت فى السويس وقت أن كانت الأنوار مطفئة بقوانين الحرب فى مدن القناة .. بعد هزيمة يونيو الكارثية .. تلك الهزيمة التى شحذت القوى الحية فى المجتمع ناحية ليس فقط حقيقة الأوضاع السياسية ومدى ماتمثله من ضياع وضعف أوصلنا الى هذا الهوان .. لكنها كانت وصلت لإستنتاج أن هذه الأوضاع غير قابله للإستمرار .. ولابد للبحث عن طريقه ومنهج لتغييرها من أجل تجاوز هذه الأزمة المؤلمة .. فى هذه الأيام كنا نحدد معسكرنا التحررى فى مواجهة المعسكر الإمبريالى .. فكان كل إنتصار للفيتناميين إنتصارا لنا وصموهم ينعش أمالنا فى القدرة على الصمود والتصدى .. وكان من الطبيعى أن يكون جيفارا أيقونة هذه الحالة .. الثورى المطلق والمجرد والذى ينازل الإمبريالية حيث توجد فى حالة مثالية تقترب من فكرة " المخلص الثورى " .. لذا كان خبر قتله فى أحراش بوليفيا دراميا للغاية : مابين عدم التصديق والأسى المر .. طرح هذا على المناضلين المصريين فكرة تحديد ماهو الوضع ؟ .. ومن هم ؟ .. وما العمل ؟ .. فى وسط هذا الحطام جلس الأبنودى بقرية الجناين بالسويس فى ظل غياب النور وكما يقول تحت لمبة جاز – قليلة الجاز - يترجم حالة شباب هذه الأيام المناضل .. الذى يشكو حاله مابين الرجاء والأمل وبين اليأس .
الوجه الآخر كيف ضاعت هذه القصيده من الأبنودى .. وكيف وصلت الينا ؟ .. كان هناك شابا فلسطينيا صديق مشترك بيننا وبين الأبنودى .. وكان يدرس بمعهد عالى بشبين الكوم .. وكنا نعرف عنه مدى ولعه بالثقافة والفكر والسياسة .. وأنه وهب عمره لقضية وطنه .. مازن أبوغزاله .. هو الذى أعطانا القصيده على أساس أننا سوف ننسخها ثم يستعيدها .. وبعد أسبوع أو حوالى ذلك جاءنا خبر إستشهاده على الحدود الفلسطينية وهو يحاول التسلل فى عملية فدائية فى الداخل من الحدود الأردنية .. وهكذا لم يستعد مازن القصيده .. وعرف الأبنودى أن نسختها الأصلية لدى .. ولكنها طبعا تم مصادرتها ضمن مكتبتى كامله فى أحد حملات أمن الدولة الشهيرة فى السبعينات عقب أحداث قصر ثقافة بورسعيد .
من حسن الحظ أن لدينا صديقا ( أحمد أبوزيد ) .. مولع بالإحتفاظ بالوثائق والمستندات .. كان أخذها وكتبها لديه ليخرجها الآن .. كنت فقدت الأمل فى العثور عليها .. بل أن الأبنودى مرة طلبها .. وأيضا مؤمن المحمدى .. وتأسفت لضياعها ..
قصيدة : العالم الرابع – عبد الرحمن الأبنودى
" الى أرنستو شى جيفارا ..
والى كل حد ..
والى أى حد
وبالذات من أشعر أنى منهم ..
وبالذات من أحس إنى أقلهم "
عبد الرحمن الأبنودى
مين اللى قال ، ان الشكايه مذله ، وهى اول خطونا للفعل ..؟؟ "
اشكو اليك يابا ، نفسى واخوانى ..
ما تقولش مين ، واحد من الملايين ، اللى على الارض انهارده وبكره
وبيدعوا الملكيه فيك فى حاجات .. وبيدعوا ان ليك حاجات فيهم
واحد من اللى كل يوم ، بيقولوا " لسه ما مات ..
جيفارا عايش فى ضمير العصر ، جيفارا مات لكن صبح فكره
ان مات جيفارا ،فكلنا ملايين جيفارا تانى "
باشكو اليك يابا نفسى واخوانى
متقولش مين ، واحد من الملايين ، اللى على الارض النهارده وبكره
وبيدعوا انك فى عروق الجيل ، وف خطوته الاماميه
وان العيون شايفاك فى المستقبل
واحد من اللى بيدعوا ملكيه الفقرا ، وقضيه الفقرا
وبيؤمنوا بالحب والثوره
وبيؤمنوا ان ليك حاجات فيهم
وبيدعوا ملكيتك فى حاجات
وبيلملموا فى الغيب ، بنات الفجر
....
واحد من اللى اتعودوا ، يخلدوا الشهدا
ويكتبوا عن عالم العمال ، وصانعى المستقبل الابيض
2
والعالم الانسانى ..
متقلش مين ، واحد من الملايين
اللى على الارض انهارده وبكره ..
واللى كنت شايفهم امبارح ، قبل الرصاصه ما تخطفك بثوانى
باشكوا اليك يابا .. نفسى .. واخوانى ..
مين اللى قال ان الشكايه مذله ؟
.. ..
" الشكل والمضمون "
والعالم الثالث ، طريق النمو الغير .. المستقله حديث
الحزب .. الحتميه .. البونابارتيه .."
الحاجات دى وغيرها ، نقولها ونعيش منها ..
ويمكن نخش سجن يومين ..
وهناك ننعكش فى المسائل تانى ..
" الجانب الايجابى .. الانتقال السلمى ..لا .. عدم ضروره الحزب .."
ونخرجوا .. وبالليل نخش ننام ..
ولما نبقى احنا ونفسنا وبس
ما اعرفش يابا فينا غير شجره
وحيده عريانه بتتطوح فى ليل الريح
فى الصبح معدوله .. وفى المسا مالت ..
وفى انهى عالم احنا .. ولا نعرف
فى العالم الاول ، فى العالم الثالث
والصبح ادينا .. وكل يوم وله كلام
ف العالم الاول معادش اول
والعالم الثانى معادش تانى
وننتظر .. وننتظر تانى
متقولش مين .. واحد من الملايين ..
يمكن اكون مخلص وبس
3
ممكن يكون فيا فتيل .. يمكن ..
يمكن ولا ده .. يا أرنستوا
ويمكن اللقمه من الكلمه ..
ده كل امكانى ..
وأدينى ذى الكل باتكلم
وزيهم .. ما اعرفش جاى كلامى من قلبى ولا لسانى ..
لكن اكتر منهم فى عذابهم .. وعذابى
اكتر عتاب للنفس ، لما ابقى وحدانى
والليله مش حاقدر انام
لأنى مش فى مدينتى يآرنستو
ولأنى متحاط من الليالى .. بالشكا ..
بالفلاحين .. عمامى وخلانى ..
وبالنباح .. والقمل .. والبراغيت ..
بصنوف طعامهم ع الطبالى الوسخه
بعيالهم المتعفنين .. وضوافر النسوان
بكل شيى الا الافنديات ياشى .. والراديو .. والجرنان ..
ومثقفين العالم الاول والثانى والثالث
أنا مش باحس هنا الا عاوز ابكى
مين اللى قال ان الشكايه مزله
مزله : لو سكتت فى احضانى
ومسكت قلمى اليك
ورفعت قلمى اليك
ملعقتى .. وسلاحى
اشكو اليك يابا .. نفسى .. واخوانى
فانا مثلا .. نزعت نفسى من بلدنا وقلب جيرانى
كان هو ده الحل الوحيد
عشان اشوف الدنيا ماشيه ازاى ..
4
واكتب حاجات .. انشرها فى الجورنان
واقعد على القهوه .. واشرب شاى .. واغير القمصان
يبقى لى اسم .. وكل ما داديته يدادينى .. واعرق وسطه لودانى ..
بدايه مش وحشه يا أرنستو .. لولد من البندر
وناس البندر ، ماتعودتش تقرا وتفكر ، وتحس وتعانى
وهنا فى مدينه الفكر والضحكه ..
عرفت اعرفكم ياارنستو..
بواسطتكم .. وبواسطه اخوانى ..
محاضره والتانيه ، كتاب والتانى
ولما قلت ان الخطأ واحد . انا وانتو ..
ما اتهدش العالم ياارنستو
ولا اعترض واحد من اخوانى
مع ان للخطا دى يا ارنستوا
لسه خطايا فى الطريق مغلوبه
متقولش مين .. واحد هنا فى العالم الثالث
" العالم الثالث يارنستوا "
واحد من اللى بيرفضوا الاسمين
" التانى " و "الاول "
لأن ده تهمه .. ولأن ده تهمه ..
واللى بيخطوا طريق من غير يفط ، من غير سهام ولا نمر كيلو
تهمه بلا عنوان ..
النخله عندينا ان مالت .. ما اسمهاش مالت ياارنستو
لاننا فى العالم الثالث ..
والفلاحين حواليا بتنكت وتتضاجع
تنده فى قلبيهم .. ولا من سامع
لانهم عايشين ياارنستو .. فى " العالم الرابع "
5
..
مالتقولش مين .. واحد من الملايين
اللى بنفس .. اسمى .. وعنوانى
بنفس بيتى .. ودكانى
باشكوا اليك يابا ، نفسى واخوانى ..
ياشى جيفارا ..
اشكو اخوانى
مع ان كلتهم شرفا وطيبين
وماليانين .. حب وغنا وتعاسه
فربما لو جم فى وقت تانى .. على حد تانى ..
" لو كان كفايه ان انت فى العالم "
كان اصبحوا سيسبان بنيل وخضره ..
" ما كنتش انت كفايه يارنستو "
ووقفوا ووقفت معاهم اتفرج عليك
وحتى لما عرفنا انك مت ..
ما اعرفش ازاى فى عرى القلب
لكن مت .. وطبعت ضلك ع الضمير ومشيت
وضرورى لما رجعوا ياارنستو .. زى البيت ..
كانت الحياه بلاطعم
وكان السراج بلا ذيت
وحروف كتبهم فى الايدين مطفيه
لكنهم فى الصبح .. لبسوا البدله
واتكلموا عنك بحزن حقيقى
وبس ياارنستو ..
مع انهم شرفا ياشى جيفارا
ومليانين غنا وحب وتعاسه
.. ..
6
ويميلوا تحت سقف المدينه .
عيدان حزينه
سلخ ضمير بكره وعيون ماضينا
ايه اللى صاب الدنيا ياارنستوا
ياترى كان احسن لو مكناش جينا
.. ..
بالطبع انت عارفنا ياارنستو واحد واحد
" البرجوازيه الصغيره " ياشى ف العالم الثالث
اللى ما طلعتش الجبل
واللى ما فشلتش فى هجوم " مونكادا "
واللى ماخفتش وبردت فى " الييرا مايسسترا "
واللى ما هيش " لينين " .. ولا " اكتوبر "
واللى ماهيش " ماو والجبال والرحله "
وما ارتفعش فى القفص صوتها
بحق عاملها وفلاحها فى حياه حره
واللى ماهيش ......
ياشى جيفارا ..
مع انهم باقى النجوم فى الحق والخير والحياه
فى عالمنا ده .. فى قرننا العشرين
وأحسن الموجودين ..
فين احنا ياارنستوا
.. ..
قريت كلامك قبل ما تنصاب
عن احتمال الاصطدام فى الشرق
كلمتنا .. وانت هناك .. والبندقيه فى كتفك الضعفان
( تحت الشجر ) .. فى بوليفيا ..
عن اندونسيا سوكارنو .. عن نكروما
7
كلمت اهل العالم الثالث .. مثقفين العالم الثالث
نشروه هنا .. ونشروا معاه تحفظات ..
وقبل ما حبر الصحف ينشف
وقع اللى قلت عليه .. واللى اشرت اليه
وقبل ما جرح الشهيد ينشف ..
كانت الرصاصه فيك ياارنستو ..
واتكوم العالم .. هنا تحت رجلينا
نعم .. انت كنت الرمز والقنديل
لكن باارنستو .. قنديل ورمز وبس
وكنت بعد القتل .. قبل القتل
بلا وطن .. لكن حقيقى مواطن
مش انت ابو هيلديتا .. الديتا كاتميلو .. سيتسا .. ياارنستو
وكنت ابن .. فليه ياارنستو احنا مش احنا ؟
ليه احنا مش ناس تانى وليه مثلا ..
ما املكش غير قلمى ولسانى ..
وليه باخاف م الدم ..
وصرخه الطلقه وعيون الميتين ..؟
" مغ ان صوت محتلى اقرب منى لودانى ؟
وليه كده العالم اصبح كده ..
وليه شبابه اصبحوا شرفا وبس
بيحلموا ويقروا ..
ويصفوا ( عالقهوه ) هذا العالم الانسانى ..
وليه غرقنا فى اللى بنقوله ؟
( العالم الاول ) .. و (العالم الثانى ) و ( العالم الثالث ) ..؟
متقولش مين .. بالطبع عارف انى مش ( فيتنامى )
ولا من شباب ( الصين ) .. لآن دول فى العالم التانى ..
اما انا دلوقتى فى مكانى ..
8
سرير بعيد . فى اوضه طين ..
وجنبى لمبه جاز . قليله الجاز .. وسهرانين
فى بيت صغير تحت ليل العالم الثالث
قدامى اعدائى ياارنستو ، حواليا اعدائى
وانا حستريح فى مكانى
كاءنى واحد تانى . واحد من الملايين
اللى على الار ض انهارده ووبكره
اشكو اليك نفسى واخوانى
..............
بيحلموا ويقروا ياارنستو
ويكتبوا عن اصعب الصعب فى عالمنا الكهل
لكنهم ابدا ما قالوو : الفلاحين فقرا
( صياغه التاريخ من وجهه نظر ..
الثوره والانموذج )
وما هو امر طبيعى يسمى بالنكسه
وناخد احنا التسميه وكأننا احنا اللى اكتشفناها
وفى كل بيت دمعه
.. قليل اللى اتهرس تحت الحذاء الامريكى هذا العام ..
ونبتسم واحنا بنقرا صفحه البندارى
او لما نسمع مطربه بتتلوى فى الراديو
فاحنا ورانا مشكله اصعب
وتبعد الناس كل مادا ومادا ..
فموسيقار الجيل ياارنستو هنا (مثلا )
راجل يسرح تاكسيات فى الشارع ..
ويهرب اموال .. ولما يعود
تنداس رقابنا بالجزم
فى اعلى حته فى واجهه الجرنان
9
واما بالنسبه لأرائنا فى الدنيا والعالم
تنقلها للعالم ( الست )
تعرف يعنى ايه الست ياارنستو
ونضحكوا فى القهوه والشقه
مين احنا ياجيفارا
صدقنى لا خبثا ولا طفيليين
وبستوى فى ايدينا الجنيه والميه
وماعندناش احساس مريض بذوانتا والملكيه
لكننا اشبه بسكارى
ساكنين خماره
وكأننا حاملين زنوب او لعنه
.. ...
كفتنا تنقص او تذيد بالامر
السجن يفتح .. تعلى كفتنا
يفتح من الناحييه دى .. كفتنا ياشى مالت
لا دول ولا دول فوق ياارنستو ..
اهو ده اللى انا شقته فى العالم الثالث
بلياتشوههات فى سييرك احنا ياشى
( فاذا كانت الثوريه هيه هيه الحقيقه الواحده
فى العالم . احنا هنا من غير حقيقه ياشى )
شفق طروف بصتنا نلمحها
لكننا نمشى فى طريق تانى
او قول بنسعى بس مش فى طريق
يمكن لفوق يمكن لتحت
لكن مالناش طريق ياشى
وربما ولا بنعلى ولا بنوطى ولا بنمشى
وربما ماحناش هنا
10
وربما مانيش انا
وربما مش انت شى جيفارا
وربما انا والورق دلوقت
مانيش فى اوطانى
وربما باكتب وبس
خلاص ضمير .. لحظه عذاب
لا باشتكى نفسى ولا اخوانى
( .. الربما فى كل شيىء فى العالم الثالث باارنستو .. )
لان مفيش غير طريق واحد
مت انت على جنبه برشاشهم
ونخرجوا فى الصبح نتهامس
" ان كان جيفارا مات فجيفارا فينا عاش
ودمه راح يروى ابتسامات الرجال والامهات فى العالم الانسانى "
......................................
واهرب انا آخر النهار للركن ده
وحدانى ..
اشكو اليك فى الليل ياارنستو
وتحت لمبه جاز .. قليله الجاز .. نفسى .. واخوانى
مين انت يا ارنستو .. ؟
الجناين
30 ديسمبر 1967
عبد الرحمن الابنودى
.. ...
وقوع إنفجار بمزرعة دواجن بطريق الزراعي ببني سويف أدي الي مصرع 5 واصابة واحد
نيسان/أبريل 25, 2015
(ارشيفية)
صرح مسئول مركز الإعلام الأمنى أنه فى حوالى الساعة 6 مساء اليوم الجمعة الموافق 24 أبريل الجارى تبلغ للأجهزة الأمنية بمديرية أمن بنى سويف بحدوث إنفجار بحجرة من الطوب الأبيض بأرض إستصلاح بدائرة مركز شرطة بنى سويف.. بإنتقال الأجهزة المعنية والحماية المدنية وخبراء المفرقعات وبالفحص تبين حدوث إنفجار بالحجرة نجم عنه مصرع أربعة وإصابة آخر من عناصر تنظيم الإخوان الإرهابى .. وأسفرت المعاينة المبدئية عن وجود كميات كبيرة من المواد الكيميائية والأدوات التى تستخدم فى إعداد العبوات الناسفة وكذا بندقية آلية متفحمة - عدد (10) جهاز موبايل – جهاز "لاب توب"- صاروخ كهربائى حدادى لقطع المواسير – ماكينة لحام- أنبوبة بوتاجاز– ماسورة حديدية بها كمية من البارود - برميل يحوى مادة برمنجات البوتاسيوم وآخر يحوى مادة سائلة سريعة الإشتعال– 2 جركن بلاستيك بهما مادة كاوية سائلة – عدد (67) طبة نحاسية .. كما تم العثور بجوار المنزل على عدد (2) سيارة ملاكى خاصة بعنصرين من المنتمين لجماعة الإخوان الإرهابية.. أخطرت النيابة العامة وباشرت التحقيقات.
من ناحية أخرى تبلغ للأجهزة الأمنية بمديرية أمن القاهرة ظهر اليوم الجمعة الموافق 24 الجارى بوقوع إنفجار عبوة بدراجة نارية يستقلها أحد الأشخاص حال سيره بشارع سنان بمنطقة الزيتون بالقاهرة ، ووفاته متأثراً بإصابته.. بالفحص وإجراء التحريات تبين أن مستقل الدراجة يدعى / محمد أبوبكر مؤمن أحمد سن 38 موظف ومقيم بالأميرية - من العناصر المنتميه لتنظيم الإخوان الإرهابى - وسبق مشاركته فى العديد من فعاليات التنظيم .. بتقنين الإجراءات وبتفتيش مسكنة تم ضبط (ماسورة بلاستيكية مطببه من أحد الجانبين ، كمية من الألعاب النارية ، لفة سلك ، بكر لاصق).
تم إتخاذ الإجراءات القانونية .. والعرض على النيابة حيث باشرت التحقيقات .
بالفيديو :كابتن غزالي: وفاة الابنودي اخرستني وعطلت كل قدراتي وتجربتي معه في السويس" استثناء"
نيسان/أبريل 24, 2015
تقرير وتصوير : طارق ابو عدس
كان لقاءنا بالكابتن غزالي من اصعب اللقاءات التي اجريناها معه ، فهو في حالة يرثى لها يخيم عليه الحزن وبالكاد ينطق ويتكلم ، وقد تحامل على نفسه وحزنه ليكمل الحوار .
توجهنا الى منزل الكابتن غزالي بمنطقة الغريب وقدمنا له واجب العزاء في وفاة رفيق كفاحه الشاعر الكبير " عبد الرحمن الابنودي " وما ان قلنا له " البقاء لله" استمر في الحديث ولم نقاطعه واسترسل متحدثا عن " الابنودي" قائلا :
وفاة الابنودي بالنسبة لي فاجعة اخرستني وعطلت كل مداركي وقدراتي ، فلاول مرة يحظى شاعر بكل هذه الاشادة من كل كتاب وادباء وعلماء وفنانين العالم ، لذلك فانا صامت حتى اتابع هذا المد للمناضل الجسور والشاعر الكبير ، ظل " الابنودي" حتى اخر لحظة في حياته عاشقا ومدافعا عن الفقراء والغلابة ، وكان الصوت الباقي المدوي المدافع عن حق الشعب المصري بقرائه وعماله وفلاحينه وعن حقهم في الحياة الكريمة ، وكان سعيدا جدا بالمشروعات الجديدة وكان حلمه في الفترة الاخيرة ان ينظم احتفالية كبيرة احتفالا بنجاح هذه المشروعات .
واضاف " غزالي" انا الان في موقف صعب وتجربتي مع " الابنودي " في السويس استثناء سياتي وقت وتعرفها الناس في لقاء اخر اخصكم به ، وادعوكم الى الصمت معي وتأمل هذا السيل المنهمر من كل الكتاب والشهادات والاشادات والرثاءات من العملاء والادباء والفنانين الذين لم يكن يحتفي بهم في حياته ولا تكاد تربطهم به اي صله ، فقد كان طوال عمره في صف الغلابة والشعب ، اما بالنسبة لي فموت " عبد الرحمن الابنودي" قد اخرستني وعطلت كل قدراتي ومداركي ولا اعرف ماذا اقول وماذا اكتب وكل الكتابات التي كتبتها تدعوني الى الانتظار والتامل والتعلم من جديد كيف يكون الشاعر في عيون اهله ومحط احترام اهله وناسه وشعبه وكيف يكون الشاعر الصادق في وجدان شعبه .
الابنودي جاب كل قرى ونجوع مصر يهتف ويدعو لحق مصر ان تكون الدولة الكبيرة المحترمة .وانضم الى الحركات الثورية وكتب عنها .
واستمر "غزالي " جئتوني في لحظة من لحظات الخرس فتجربتي مع الابنودي استثناء في لحظة تاريخية جبن الكثير من الشعراء والمدعين ان يعيشوها ، وهو اصدق واوفى من كتب عن السويس وستظل كتاباته ديوانا للسويس وكل اجيالها وستفخر السويس انها كانت مسرحا لجولة من جولات " الابنودي" الذي جاب معي كل معسكرات المهجرين من اهل السويس .
واختتم " غزالي" كلامه بهذه الابيات من كتابته :
سنين كتير عشناها
موالنا كان واحد
شوف كنا كم الصف
والباقي كم واحد .......... الى رحمة الله ياعبد الرحمن .
http://www.youtube.com/watch?v=nDb9lZL_eKQ&feature=youtu.be
ارتفاع حالات التسمم بالشرقية إلى 310
نيسان/أبريل 24, 2015
أكد الدكتور شريف مكين، وكيل وزارة الصحة بالشرقية، أن أعداد المصابين بأعراض التسمم من قيء وإسهال في الإبراهيمية، وصل حتى الآن إلى 310 حالة، لافتًا إلى أنهم موزعون على أربعة مستشفيات هي (ههيا - الإبراهيمية - أبو كبير- ديرب نجم).
و رفعت مديرية الصحة، حالة الطوارئ، في مستشفيات "القنايات، وديرب نجم، وههيا، وأبو كبير، وبلبيس، والأحرار" بإشراف الدكتور شريف مكين وكيل وزارة الصحة، والدكتور عصام فرحات مدير إدارة الرعاية الحرجة والعاجلة.
يأتي ذلك عقب إصابة أكثر من 141 من أبناء مركز الإبراهيمية بالتسمم.
إحالة موظف بالنصر للبترول بالسويس للجنايات لاتهامه بالانضمام الي " داعش "
نيسان/أبريل 24, 2015
كتب: سيد نون
قررت النيابة العامة بالسويس أحالة " حسين . ح . ص " موظف بشركة النصر للبترول بالسويس لاتهامه بمحاولة السفر الي سوريا للانضمام الي " داعش " والتدريب علي العمليات التخريبية.
وقال مصدر قضائي، أن المتهم " حسين . ح " الموظف بشركة النصر للبترول أعترف انه تلقي تعليمات من جماعة الاخوان للانضمام الي الجماعات الارهابية في سوريا.
وأكد المصدر، أن التحقيقات أكده أن المتهم اعترف أنه كان مسافر الي سوريا من أجل التدريب لدي " داعش " والعودة الي مصر مرة أخري ليقوم بتنفيذ عمليات إرهابية داخل مصر بعد تلقيه وسائل التدريب في سوريا.
وأضاف المصدر، أن التحقيقات بالنيابة العامة أكده أن المتهم تم ضبط بحوزته مبالغ مالية ودولارات تسلمها من قيادات جماعة ارهابية في مصر للسفر الي سوريا.
دوريات امنية للشرطة بالسويس .. ومدير الأمن يؤكد استقرار الحالة الامنية
نيسان/أبريل 24, 2015
قامت دوريات امنية تابعة لمديرية أمن اليسويس بالتواجد اليوم الجمعة في شوارع السويس لتامين المحافظة والمنشات الحيوية وتامين المواطنين.
وقال اللواء طارق الجزار، مدير أمن السويس، أننا مستمرين في التواجد الامني لتامين المواطنين والمنشات في محافظة السويس.
وأضاف طارق الجزار، أنه يوجد تعاون بين المواطنين ورجال الشرطة بالسويس وأن الوضع الامني بالسويس مستقر داخل المحافظة.
وأكد الجزار،أن قوات الشرطة بالسويس تمكنت خلال الفترة الماضية من القبض علي عدد من الخلايا النوعية لجماعة الأخوان التي كانت تنفذ عمليات ارهابية.
أحمد زويل تحتفل بتخريج دفعة جديدة من رياض الأطفال
نيسان/أبريل 24, 2015
كتب : أيمن سمير
احتفلت صباح اليوم مدرسة أحمد زويل الرسمية للغات بتخريج دفعة جديدة من أطفال الروضة فى حضور عبد الحافظ وحيد وكيل وزارة التربية و التعليم بالسويس و محمد خزيم مدير العلاقات العامة و رؤوف عياد وكيل إدارة شمال ومحمد فتوح مدير عام التعليم الفنى سابقاً و ماهر فرج مدير إدارة المدارس الرسمية سابقاً و خالد سليم مسئول العلاقات العامة شمال و سامية إبراهيم حسن و جمع كبير من المعلمين و أولياء الأمور و مجلس الأمناء
قدم أطفال الروضة خلال الحفل فقرات و عروض فنية وطنية نالت إعجاب الحاضرين كما تخللت فقرات الحفل تكريم محمد فتوح بمناسبة بلوغه سن المعاش
و قد أعرب عبد الحافظ عن إعجابه بالجهود التى تبذلها إدارة المدرسة لسرعة تطويرها و تأسيس منظومة تعليمية متطورة حيث أن مدرسة أحمد زويل حديثة العهد بالمدارس الرسمية للغات بالسويس
فيما أكدت سامية حسن أنها و إدارة مدرستها و تعاون مجلس الأباء بها ماضون دون توقف للارتقاء بالمدرسة و تقديم خدمة تعليمية نموذجية تتفق و النظم التعليمية الحديثة بمدارس اللغات
وصول أول كتيبة من الحرس الوطني السعودي إلى الحدود اليمنية
نيسان/أبريل 24, 2015
ذكر موقع "يمن 24" الإخباري، اليوم، أن أول كتائب الحرس الوطني السعودي وصلت اليوم إلى الحدود الجنوبية للمملكة لحماية الحدود السعودية والمشاركة في عمليات القوات المسلحة السعودية ضد الحوثيين.
يذكر أن الملك السعودي سلمان بن عبدالعزيز، أمر قبل عدة أيام بإشراك الحرس الوطني السعودي في عمليات بلاده ضد الحوثيين في اليمن.
الطيران الحربي الاسرائيلي يستهدف هدفين في شمال قطاع غزة والقسام بالصواريخ.
نيسان/أبريل 24, 2015
أعلن المتحدث باسم الجيش الإسرائيلي، قصف هدفين في قطاع غزة، ردًا على إطلاق صاروخ باتجاه النقب الغربي.وقال المتحدث في بيان مقتضب، أن الطيران الحربي استهدف هدفين في شمال قطاع غزة بالصواريخ.فيما قالت مصادر في قطاع غزة الفلسطيني، إن الطيران الإسرائيلي استهدف موقعًا لكتائب القسام في شمال القطاع دون أن يبلغ عن إصابات حتى اللحظة، مؤكدة تحليقًا مكثفا للطيران الإسرائيلي في سماء القطاع.
بالصور .. حي الاربعين يستكمل حملة رفع مخلفات البناء ويفتح شارع مجمع المدارس
نيسان/أبريل 23, 2015
تستمر حمله رفخ مخلفات البناء التي يقوم بها اللواء محمود درار رئيس حى الاربعين لرفع أطنان المخلفات التى اغلقت الشوارع بداية من منطقة القماين والمحروسة مرورا بالمركز الطبى اﻻجتماعى ومجمع المدارس حتى تقاطعه مع شارع النيل حيث تم رفع اكثرمن 1400 متر مكعب من المخلفات وزلك بالتعاون مع جهاز التجميل والنظافه الذي يديره الاستاذ شعبان حامد ، وقد تم فتح شارع المركز الطبي من الاتجاهين امس الاربعاء ، اما ايوم فقد تم فتح شارع مجمع المدارس الذي كان مغلق احد جانبيه .
فيس بوك
الزراير - شارع النيل - امام برج الساعة
السويس، مصر
الجوال: 01007147647
البريد الألكتروني: admin@suezbalady.com