أعلن الدكتور محمد علام، نائب مدير مستشفى النجيلة بمطروح للعزل الصحي، إصابته بفيروس كورونا المستجد "كوفيد19"، وذلك خلال تدوينه له على صفحته الشخصية بموقع التواصل الاجتماعي "فيس بوك".

وقال "علام": " ناس كتير انتقدت إن الفترة اللي فاتت وقت كتير بقضيه علي فيس في بوستات توعيه وردود على الناس وبتسأل أمال فين شغلك ومضيع وقتك، للأسف في حاجه  مكنتش حابب أتكلم فيها دلوقتي عشان مبقاش سبب ذعر وقلق للناس اللي بطمنهم باستمرار ولأنها حاجه متوقعه لكل طبيب وكل لما الفترة تطول فرصه حدوثها بتزيد".

وأضاف "علام": " لكن في ناس ظلماني ولازم أوضح لهم حاجه مهمة وأنا مش زعلان منهم على فكره، بس الحمد لله اتشخصت كوفيد- 19 إيجابي من يوم 6 أبريل أنا كنت عارف من أول يوم أني معرض لكده وراضي. ده شغلي وأنا مش زعلان ولا كنت خايف والحمد لله هتكمل على خير وحالتي اتحسنت كتير وإن شاء الله قريب أتحول سلبى وأروح"