ارسلت الفنانة ياسمين عبد العزيز عبر وسائل التواصل الاجتماعي برسالة الي جمهورها في مصر والوطن العربي  تطمأنهم  فيها علي صحتها وأنها بخير وتشكرهم علي دعواتهم  لها بتمام الشفاء وكانت الرسالة كالتالي؛

جمهوري الغالي في مصر والوطن العربي وحشتوني جدا 

الحمد لله  انا بقيت كويسه وتعافيت الحمد لله عاوزاكم تتطمنو ❤️❤️❤️

رغم كل الصعب  اللي مريت بيه في ازمتي الاخيره  إلا إن سؤالكم ودعمكم هو اللي كان بيهون عليا كل اللحظات المره اللي عدت عليا .. وكفايه اني اقولكم اني  حقيقي شفت الموت وكان قريب جدا .. لكن بفضل الله وبفضل دعواتكم الجميله الصافيه وبفضل وقوفكم جنبي بقلبكم وبحبكم وبنيتكم الطيبه ربنا استجاب لدعواتكم وربنا  كرمني  وعديت المحنه علي خير الحمد لله ... 

كلمة شكرا قليله اوي عليكم وعلي حبكم انا بحبكم جدا  وحقيقي  انا عاجزه اني اردلكم كل الحب وكل الدعم اللي شفته منكم ... بشكر ربنا وشكرا جمهوري الغالي في مصر والوطن العربي ...