روت سيدة تفاصيل وفاة ابنها، بعد إجرائه جراحة "اللوز" في مستشفى بور فؤاد.

وقالت السيدة في الفيديو الذي نشرته صفحة تُدعى "الجالية المصرية بالسعودية": "أبوه قال للدكتور، انت اللي عملت العملية للولد وزوره بيجيب دم، فرد الدكتور وقاله لاقيت الدكتورة مغوطة شوية، قمت مظبط وراها".

وأضافت: "روحنا البيت، والولد كان همدان غلط، لقينا آدم بيجري وبينزل كلاكيع دم نازل من فمه، والدم كان مغرق غرفته، ورجعت تاني على مستشفى بورفؤاد، والدكتور قالي الدم ولا حاجة، ده طبيعي". 

وتابعت: "قعدنا يوم في المستشفى، دكتورة رشا بتكلمني وهي بتلطشه بالقلم، وبتقوله ابلع يا ابن الكلب، وبتقولي مش لازم العلاج ولازم ياكل، أتاريه دبحوه من جوه".

وأردفت: "مرة واحدة ابني رجع دم بكثافة كبيرة كأنه مدبوح، ومات، وهم مثلوا عليّ وأخدوه غرفة العمليات، وقعدوه من 10 ونص الصبح، لحد 8 بالليل، وهو متيبس ومتلج، ولما شوفته عملوا له غرزة من غير تخدير وحشوا قلبه بالشاش".

واختتمت: "أنا ابني راح خلاص، ومش هقول ربنا يحرق قلب الدكتورة على ولادها، لأنهم ملهومش ذنب، أنا بناشد كل أب إنه يجيب حق آدم".