قال اينو أحمد المدرب المساعد بنادى منتخب السويس، الحمدلله على كل شى كان نفسنا نعمل حاجة للنادى وجماهير السويس و نصعد بس قدر الله وماشاء فعل.

واكد «اينو أحمد» أن مجلس الادارة برئاسة ميدو هلال وفر كل شئ، لكن قابلنا حاجات كتيرة منها اصابات قوية للاعيبة مؤثرة جدا في الفرقة مثل أحمد زغلول  وأحمد الجندى و عماره نيمار برباط صليبى مما افقد الفريق خطورة خط الهجوم وغياب التهديف مع فقدان نقاط كتير كانت كفيلة بصعود الفريق من منتصف مبارايات الدورى التانى.


ويري «اينو» ان مجلس الإدارة بالتعاون مع الجهاز الفنى الجديد قادر على شراء لاعبين تقدر تعمل إضافة مع الاعيبة اللى مكمله مع النادى في الموسم الجديد وتقدر تحقيق حلم جماهير السويس بالصعود للدوري الممتاز.

واستكمال طبعا استحالة يكون في اتفاق جماعي من الاعيبة على ايمن المزين المدير الفنى السابق للفريق خلال مباراة النصر والتى انتهت بفوز النصر برباعية نظيفه، بس الى يشوف الماتش واداء الاعيبة ممكن يحس بكدة ولما المزين قال في مؤامرة من اللاعبين قال لو انتم قاصدين مش هتبقوا كدة ابدا او تبقوا بالأداء السيئ ده.


ويذكر ان منتخب السويس بقيادة ياسر السيد و اينو أحمد اختتم مباراته امس الجمعة بالفوز على فريق القناة بهدفين مقابل هدف ليصل للنقطة 41 محتلا المركز السادس.