بقلم الشاعر :احمد عبد الحميد
الفساد في السويس (1)
كفر السويس
شعب السوايسه بكي*م الحرقة والاحزان
كفر السويس اشتكي *م الوالي للسلطان
والغش والفبركة * والكوسة في الاسكان
مدينة أم مملكــــة *  مقسومة للحيتـــان
******
ياسويس يا أم البلاد *يا نجمة في العالي
معروفة وقت الجهـاد * عالية وبتلالـــي
مظلومة بين العبـاد * في عهدها الحالي
استشري فيها الفساد * والنهب يا والي
******
تورته تقول للسيف * قطعت أوصــــالي
والقسمه ليه ع الكيف*والميه في العالي
خيرنا يروح للضيف * وابن البلد خالي
اصرخ وأقول يا لطيف** طَوِّل قوي الوالي
ما تحول التكليف * ع اللي يشوف حالي
*****
كانت بلدنا مدينـــة * من أجمل البـــلدان
وامَّا مسكها اخينا * والحاشية والغربان
صارت سويسنا رهينة * للظلم والطغيان
ولا عدشي فيها ليــنا * شقــة ولا بستان
*******
 قال ح يهده ع اللي بناه
مسجد مبني لوجه الله   
ان كان ضل الوالي وتاه
رب المسجد  يتحداه
اصل الوالي كل مناه
ياخد أرض بلدنا معاه
زي ما ضاع صدام والشاه
مش ح يدوم العمر الجاه
*****
أرض بلدنا خدها الضيف
بأي طريقة في الامكان
سرقة وباطل أو تزييف
زي ما راحت في العدوان
إن كان قاعد في التكييف
ازاي يشعر بالغلبان
كفر بلدنا شكله مخيف
ومافيش شارع مش غرقان
زيزو حاسب نفسه وصيف
ماسك دفة للربان  
****
كلُّ المصائبِ قد يهـون بلاءها  
 إلاَّ بـلاء الغُلــبِِ في الإسكان
أنا مذ ولدت علي تراب مدينـتي  
حلمي بها في ستـرة الجدرانِ
خمسٌ صغارٌ غير شخصي وزوجتي
ليس لنا عنـد السويـس مكان
يأتي الغريب لشقــةٍ ووظيفـةٍٍ  
وابن المدينة ليس في الحسبـان