بمناسبة عيد ميلادها..
شوفوا كتبتلها إيه....

آخر العنقود البناتى..
يا سكر.. بيحلى حياتى..
اخرة نصيبى . ودعواتى...
يابنت الإيه..
دلوعة ابوها اللى بتحكم ..
بالعافيه عليه...

الضحكه اللى بتطلع صافيه..
وبتسر الروح..
والبوز اللى جايبلى الكافيه..
فين ماباروح..
وبين الاتنين حاله دافيه..
بتلم جروح...
وتطبطب على كتفه شويه..
لجل تهديه...
دلوعة ابوها اللى بتحكم..
بالعافيه عليه...

دلوعة أبوها لما تجيبلى..
إزازة ميه..
ليها بصة عين الله أكبر..
تشبه ريا..
من خوفى لتطلع روحى..
باخف شويه ..
وان كان جوايا شعور تانى..
على طول بادرايه..
دلوعة ابوها اللى بتحكم..
بالعافيه عليه..

دلوعة ابوها بتتدلع..
على كل البيت..
لو مره أطنش مصروفها..
وكأنى نسيت..
تعمل مقموصه وتتخانق..
مع طوب الحيط..
تكتبلى غرامه وتحسبها ..
بالألف جنيه...
دلوعة ابوها اللى بتحكم..
بالعافيه عليه

دلوعة ابوها إسمها بوسى...
بتشطب على كل فلوسى...
قلبت حياتى.. وطقوسى..
ولا قادر ......اقول لها ليه...
دلوعة ابوها اللى بتحكم..
بالعافيه عليه.....