Login to your account

Username *
Password *
Remember Me

الجانب الخفي لمرفق اسعاف السويس يدعو للفخر

 

الخدمات الطبية العاجلة بالغة الاهمية لأنها تتعلق بإنقاذ حياة المواطنين وقد أولت وزارة الصحة اهتماما كبيرا بتطوير الخدمات الطبية العاجلة للوصول إلى تقديم الخدمات الاسعافية طبقا للمقاييس العالمية .

ومن اهم المرافق الخدمية بل اهمها على الاطلاق مرفق اسعاف السويس الذي يؤدي دوره بكفاءة عالية وحرفية مهنية بالغة ، ولا نجامل ان قلنا انه يصل الى مكان البلاغ خلاد دقائق معدودة بالاضافة الى حسن التعامل مع المواطنين ،وامانته في عمله دون كلل او ملل ، فهو يعمل داخل وخارج المحافظة على الطرق السريعة وداخل المدينة بل ويتعدى الامر الى المشاركة في جنوب سيناء في حال الحوادث الكبرى .

واليوم نكتب بفخر عن مرفق اسعاف السويس الذي نال اعجاب المتعاملين معه من خارج المحافظة ونضع بين ايديكم نموذجا لمواطن يكتب شهادته عن مرفق اسعاف السويس بعد ان تعامل معهم في حادث اصاب سيدة وابنتها على طريق السخنة بالامس .

كرولس نشأت

امبارح وانا راجع من السخنة شوفت حادثة لعربية ملاكي وقنا نشوف في اصابات ونساعدهم، المهم والدي اتصل بالنجدة و قالهم محتاجين اسعاف عشان في حادثة في الكيلو 72 ياريت تساعدونا قبل ما الدنيا تضلم علينا عشان المصابة ام و بنت 6 سنين و فعلا النجدة بلغت بالحادثة و جاتلنا الاسعاف بعد الاتصال ب 10 دقائق فقط!!!!
بصراحة المسعفين عم علي وعم محمد كانوا في منتهي الاحترام و قاموا بدورهم بطريقة ممتازة و كانوا عايزين ينقلوا الام لمستشفي عشان كان فيه ورم في راسها بس هي رفضت و قالت انها كويسة و لما لقوا البنت عمالة تصرخ من الخوف قعدوا يهدوها و كانوا بيعملوها زي بنتهم!!! مش بس كدة الملفت فعلا انهم مرضيوش يسيبونا خالص و فضلوا مقعدنهم جوا العربية عشان البرد و بعد الاتصال ب 30 دقيقة وصلت النجدة عشان كانت وقفة عند البوابات لكن الاسعاف كانت اقرب من النجدة عشان كدة وصلت الاول و فعلا الامين احمد كمال كان في منتهي الاحترام معانا هو و اللي معاه و اطمنوا علينا الاول و طمنونا كمان و كانوا مهتمين انهم يكونوا معانا و يخلو بالهم اننا منعديش الخط الابيض علشان الدنيا كانت ضلمة اوي و الطريق خطر و كل ده و المسعفين مش عايزين يسيبونا و معانا كمان بالرغم من ان دورهم خلص من بدري... المهم فضلوا واقفين معانا لحد ما جبنا ونش من القاهرة و لما وصل الونش قعدوا يساعدوا في انهم يرفعوا العربية!!
بصراحة قلتلهم في وشهم و احنا بنكلمكم انا كنت فاقد الامل انكوا تيجوا من اللي بسمعوا بس شفت بعيني محدش قالي

قيم الموضوع
(0 أصوات)
آخر تعديل الثلاثاء, 20 فبراير 2018 22:19
Ad Sidebar

فيس بوك

Ad Sidebar
Ad Sidebar


الزراير - شارع النيل - امام برج الساعة
السويس، مصر
الجوال: 01007147647
البريد الألكتروني: admin@suezbalady.com

تويتر

Suezbalady | السويس بلدي - الصحه تعلن عن منافذ توزيع الألبان الصناعية خلال اجازه عيد الأضحى https://t.co/HOyYTetTVU
Suezbalady | السويس بلدي - الصحه :- اعلان حاله الطوارئ بمناسبه اجازه عيد الأضحى المبارك https://t.co/WAyQu4BclL
Suezbalady | السويس بلدي - انتهاء الاستعدادات لتفويج الحجاج إلى منى وعرفات https://t.co/lB3db0bdPy
Follow جريدة السويس بلدي on Twitter
.Copyright © 2018 SuezBalady