يعني إيه معدل الحرق؟

في حاجة إسمها الميتابوليزم هي المسؤوله عن حرق السعرات الحرارية اللي بنستهلكها و بتحولها لطاقة، و زي ما فيه حاجات بتأثر علي الميتابوليزم زي السن و النوع و الوراثة ، في حاجات بردو ممكن تساعدك تعلي الحرق في جسمك.

5 طرق هتساعدك تعلي معدل الحرق في جسمك:

1-زود كتلة العضل في جسمك: العضل بيحتاج لطاقة، فكل ما تزود الكتلة العضلية في جسمك كل ما تحتاج طاقة أكتر، و دا معناه معدل حرق أعلي. رفع الأوزان من أكتر الحاجات اللي هتساعدك تزود الكتلة العضلية في جسمك.

2- كُل بروتين أكتر: أجسامنا بتستهلك سعرات حرارية أكتر في هضم البروتين من اللي بتستهلكها فى هضم الكربوهيدرات أو الدهون. ألاكل اللى بيحتوى على نسب عاليه من البروتين مستوي الأحماض الأمينية و دا مهم جدا للحفاظ علي العضلات.

3-كُل علي مدار اليوم: الأبحاث أثبتت إن بعد بأربع ساعات من الاكل، جسمك بيكون هضم اللي أكلته، و بعد خمس ساعات تبدأ نسبة الدم في الجسم في الهبوط و تبدأ تحس إنك جعان وعايز تاكل أي حاجة تيجي قدامك، فحاول تقسم وجباتك علي مدار اليوم و متجوعش نفسك. انت بكده حتخلى جسمك يحرق عى مدار اليوم بس طبعاً ركز فى نوع الاكل اللى بتاكله. ابعد عن السكريات والوجبات السريعه

4-اشرب مياه كتير: شرب المياه مفيد بكل المقاييس، و كمان ممكن يعلي معدل الحرق في الجسم بمعدل 30% من بعد 10 دقايق ل 30 دقيقة من استهلاكك للمياه.

5- الكفايين: ممكن يكون من فوايد القهوة إنها بتعلي حرقك لفترة، بس الكفايين كمان بيقلل إحساسك بالتعب و بيساعدك تكون فايق وعندك طاقه اكتر فى التمرين