ارسل الينا مجموعه من الشباب استغاثة في صورة شكوى من التنفيذيين بمحافظة السويس الذين عقدوا لهم دورة تدريبية في الامن لتعيينهم بشركات في نهاية الدورة ، الا انهم فوجئوا بعدم تعيينهم في الشركات التي اعلنوا عنها واستبدلوها بكوين سيرفس او مصنع الملابس الجاهزة ولما رفض الشباب قاموا باعطائهم خطابات للتعيين في بورتو السخنة الا ان بورتو السخنة رفضوا وكذلك رفض المسئولين مقابلة الشباب وحل مشكلتهم ، ويقول الشباب لماذا جعلونا نترك اشغالنا المؤقتة وعشمونا بالتعيين ولم نتركونا في عملنا ؟؟؟؟ ننشر لكم نص الشكوى كاملة :

يا استاذة لو سمحتى ساعدينا وانشري استغاثتنا

اول ما الهياتمي مسك قال هيشغل ابناء السويس وعمل دوره امن وحراسه وقالتا هيشغلنا في شركات كبيره وجه وقعد معانا وجه اللواء شكري سرحان وجه عقيد من ميناء السخنه ادانا محاضرات وكمان من الحمايه المدنيه والمهندس محمد العجمي وكان عددنا 50 شاب وعشمونا كتير اوووي وعملولنا حفله ويو الحفله واللي استنيناه كلنا قالولنا الشغل في كوين سيرفيس وعجبي!!
رفضنا راح المحافظ سابنا ومشي وقال ده اللي عندي والليرمش عاوز يشتغل ان شاالله عنه مااشتغل وقالولنا تستلموا الجوابات من القوي العامله رحتا استلمنا معظمنا جاله بورتو السخنه 1200 جنيه ووجبه واحده ونقعد هناك 26يوم ونندل 4 اجازه بس حتي بتاع بورتو قال انا مش عاوز دلوقتي طب ازاي اصلا ومعانا شهاده الدوره وجواب التعيبن وروحنا المحافظه بعدها ماحدش قابلنا وشقطونا لبعض والمهندس محمد العجمي سابنا ومشي ولا عبرنا بعد الوعود اللي خدناها ومش عارفين ليه بيتعمل كده في شباب السويس قلتوا دوره وشغل وتحت رعايه المحافظه وحضرنا وفي الاخر ماحدش عبرنا وياريت شغل عدل ودلوقتي بنسمع عن اغراب بتتعين واحنا مالناش نصيب فيها طب فين حقنا بالنسبه للي وعدونا بالاسماء وفي الاخر طنشونا
اللواء /احمد الهياتمي
المهندس/محمد العجمي
اللواء/شكري سرحان
الكابتن/جمال حسب النبي
اللواء/خالد سعد
استفسار نشتكي عند مين ودول اللي ماسكين المحافظه نشتكي لمين ونقول لمين وللعلم
العميد /محمد السباعي كان موجود يوم حفله تسليم الشهادات تقريبا كان اول ايامه في السويس وعنده خلفيه بالموضوع وفي الاخر جه وعين قرايبه
حسبي اللع ونعم الوكيل
جوابات التعيين والشهادات موجوده معانا ومش عارفين نشتكي لمين حتي
ملحوظه سلمونا 260 جنيه اخر الدوره لمده شهر وخلونا نسيب اشغالنا الموقته
وانا متاكد لو رحنا حتي مش هنشوف حاجه لان قبل كده طنشونا وشقطونا لبعض وماحدش قابلنا غير المهندس محمد العجمي وسابنا حتي وركب العربيه ومشي وخدنا يومين رايحين جايين ع المحافظه وبدل الشركات المحترمه اللي اتوعدنا بيها علي لسانهم طلع بورتو وزي ماوصفت لحضرتك ومصنع الملابس الجاهزه اللي في حي الكويت او كوين سيرفيس