اثار اغلاق دورات المياه العمومية على كورنيش السويس الجديد غضب المواطنين ، حيث انها تم اغلاقها بقفل وجنزير وعدم فتحها للمستخدمين .

وتقول احدى السيدات انها توجهت بطفلتها الى الحمام فوجدته مغلقا وظنت انه معطلا وبينما هي امام دورة المياه وجدت اثنان من الباعة الجائلين قاما بفتح دورة المياه، واخرجا منها اسطوانة غاز ولما ناقشتهم قاما بتهديدها .

واليكم نص الشكوى التي ارسلتها هذه المواطنة : 

شكوى من أهالي السويس ...

حاجة غريبة قوى امبارح بالليل كنت على كورنيش السويس الجديد كنا قاعدين فى بداية الكورنيش بالقرب من الحمام العمومى بنتى عايزة تعمل حمام خدتها وروحت بيها عشان اوديها لاقيت الحمامات مقفولة بقفل وجنزير قلت ممكن يكون عطلان وانا واقفة جه اتنين ولد صغير حوالى ١٢ سنة وشاب كبير من البائعين الموجودين ع الكورنيش فتح قفل الحمام ودخل طلع من جوه أنابيب من اللى بيشتغلوا بيها فكلمتو بقوله مش ده المفروض أنه حمام رد عليه بأسلوب بجح وبطريقة وحشة جدا وقالى كان ياماما دلوقتى خلاص فقولتله ازاى يعنى انت واخده لحسابك المفروض أنه معمول لرواد الجنينة والكورنيش رد عليه الواد الصغير بطريقة اوحش من الكبير بقولك ايه انسى وماتفتحيش بقك قلتله والله لجيب تليفونى واصور المكان ونزلها ع النت عشان الناس المسؤولين عن المكان يشوفوها هددنى وقالى طب ورينى كده وانا اوريكى اناهعمل فيكى ايه وطبعا عشان ماكنشى معايا راجل وكنا حريم بس ومعانا اطفال خفت ومشيت وانا مضايقة جدا
انا آسفة طولت عليكوا بس فعلا والله دى مشكلة محتاجة مسؤول يدخل فيها