قال الرئيس عبدالفتاح السيسي ، إنه لم يتحدث مع المواطنين بأي شكل من الأشكال غير الصدق كل الصدق، مضيفا: «النبي محمد قال إن المرء يصدق ويتحرى الصدق حتى يكتب عند الله صديقا».

وقال السيسي، خلال مشاركته بالجلسة النقاشية في اليوم الثاني للمؤتمر الوطني للشباب بشرم الشيخ، اليوم الأربعاء: «لم أجد إشكالية في أكون صادقا وأمين ومتجرد وعايز أقولكم على حاجة خلي بالك أنت هتتحاسب أمام الله، مش المهنية بس لو واقف بتدي كلمة وتسي وهتبقى كذب كل من سمعها هتحاسب أمام الله إنك طرحت كذب».

وأضاف السيسي: «أنا بتابع وبقرأ الكلام المكتوب عشان أشوف شايفين مصر إزاي وبتقدموها إزاي، أنتوا بتضروا مصر من غير ما تقصدوا، والله العظيم بكلمكم كمسؤولين عن بلد، ووجهت رسائل كثير جدا، أنا معاكم وأنتوا معانا جرائد بتقول وبتكتب وكانت أحد أسباب زيادة سعر الصرف واتكلمت على أخبار غير دقيقة».

وتابع: «دول فقدت حميمة العلاقة معانا نتيجة أخبار من عندنا، ورغم ذلك لم يتم توجيه أي إعلامي أو مذيع وقولناله هاجم فلان أو الدولة الفلانية».

وأضاف: «أقسم بالله العظيم أتمنى ألا يصدر لفظ مسيء واحد أو حركة إساءة واحدة لأي حد في العالم حتى لو أساء لنا»، متابعًا: «محدش يطول لسانه، لكن اشتغلوا وعمروا، علشان اللي بيقلل مننا ميقللش، واللي استضعفنا ميستضعفناش، واللي شايفنا ظروفنا صعبة ميشفناش».