المقادير
باكيت عجينة البف
أصابع هوت دوغ
دقيق
بيضة مخفوقة
طريقة التحضير
15 دقيقة

بالبداية، منرش دقيق فوق السطح اللي بدنا نفرد عليه العجينة. منغلّف العجينة بالدقيق من الجهتين ومنفردا بالشّوبك بهالطريقة لنحصل على مستطيل كبير.

بقطاعة البيتزا، منقطّع العجينة لشرايط رفيعة بعرض نص سنتيمتر.

وهلأ رح نلف شرايط العجين حول أصابع الهوت دوغ بطريقة سهلة كتير. منثبّت طرف الشريط عأوّل أصبع الهوت دوغ، منلفّو حوله ومنثبت آخره جيدا حتى ما يفلّت.

وممكن أيضا نشكل دمى صغيرة من الهوتدوغ رول بهالطريقة. وممكن تتفنو مع أطفالكن وتلفو العجين بطريقتكن الخاصّة.

بعد ما ننتهي من لف كل قطع الهوت دوغ رول، منصفن على صينيّة مدهونة بالزيت، ومندهن وجّن بالبيض المخفوق لنحصل على لون ذهبي بعد الخبز.

منوضع الصّينيّة بالفرن الحامي ومنتركا لمدّة 15 دقيقة أو ليصير لون العجين ذهبي.

فينا نرسم عيون للهوت دوغ رول بالكاتشب أو بالخردل و منقدّمن بأي طريقة منحبا.