المقادير
2 قالب من كيك الجنواز، لتحضيرها
صوص شوكولاتة،
2 كيس أمندامز
2 كيس سكاكر دبب مطاطية
20 لوح كيتكات أي 80 إصبع كيتكات
شريط بلونكن المفضل
طريقة التحضير
0 دقيقة

بالبداية ضروري يكون سطح كل قالب كيك متساوي، لذلك منحدد حول قالب اليك بالسكين بهالطريقة لنرسم خط، هالخط بيسمحلنا نقطع سطح الكيك بسهولة ليصير متساوي. منوضع إيد فوق الكيك لنثبتو وبواسطة سكين الخبز منقطع على مهل مع الحرص انو يكون السكين موازي دايماً لسطح العمل بهالشكل . منكرر ذات الطريقة للكيك التاني.

مننتقل لتزيين الكيك. بواسطة السباتولا، مندهن صوص الشوكولاتة على سطح أول كيك ومنغلفو جيدا.

من بعدا منوزع عليه سكاكر الدمى المطاطية.

على مهل، منوضع الكيك التاني على سطح اول الكيك ومنضغط عليه شوي لنثبت القالبين مع بعض.

مندهن سطح الكيك وجوانبو بصلصة الشوكولاتة ومنغلفو بشكل كامل.

وهلأ، منلصق أصابع الكيتكات حول الكيك بدون ما نترك فراغات بيناتن.

من بعدا منغطّي السطح بحبوب الأمندامز.

وأخيرا، منلف الشريط حول الكيك ومنربطه بهالشكل.