لانشون اللحم فى البيت

 

المقادير

 

تكفي لعمل اسطوانتين

نص كيلو لحمه مفرومه

نص راس ثوم مقشر

من 3 ل 4 معالق بقسماط ناعم جدا او دقيق مش اكتر علشان ماتفرولش

ثلاث قطع جبنه مثلثات

4 بيضات

نص كوب زيت

مكعب مرقه لحم

حبه فلفل اخضر واحمر

التوابل

ملح فلفل اسمر زعتر حبهان جوزه الطيب حبه البركه شطه بحسب رغبتك

 

الطريقه

 

توضع جميع المقاير فى الكبه وتفرم جيدا جدا لحد ماتحسي انه بقت فغايه النعومه

تقسم ممكن تعملي نص حار والاخر عادي

تفردي كيس بلاستيك عادي وتضعي عليه نص المقدار طوليا لعمل اسطوانه وتبتدي تلفيه مع ضغط المكونات للداخل

ترجعي تاني تضعي الكيس فقلب ورق فويل او الورق الحراري وتلفيه مره اخري ثم تقفلي من الجوانب جيدا جدا كانك بتلفي بنبونايه

بتغلي ميه فوعاء يكون اكبر من حجم الاستوانطين اللي انت عملتيهم وبعد غليان الميه بتحطي الاستوانتين اللانشون فالماء المغلي وتتركيه من نص ساعه لساعه الا ربع عالنار

نتخرجيه وتتركيه يبرد وتضعيه بالثلاجه لتاني يوم تقطعيه

دوقي كده هتلاقيه لانشون

نسيت اقولك ان حبيتي تضيفي لون احمر علشان يديكي لون اللانشون ضيفي بنجر

بس انا مابضفش الوان وكل ما فضل بالتلاجه نكهته بتزيد وطعمه يحلو بالهنا و الشفا